തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ നേരിയ കുറവ്. സ്വർണവില ഗ്രാമിന് 15 രൂപ കുറഞ്ഞു. ഇതോടെ ഒരു ഗ്രാം സ്വർണത്തിന് വില 5635 രൂപയിലെത്തി. ഇന്ന് പവന് 120 രൂപ കുറഞ്ഞ് സ്വർണത്തിന് വിപണിയിൽ വില 45,080 രൂപയുമായി. 18 കാരറ്റ് സ്വർണത്തിന് വില പത്ത് രൂപ കുറഞ്ഞ് ഗ്രാമിന് 4670 രൂപയുമായി.
ഇന്നലെ സ്വർണ വിലയിൽ മാറ്റമില്ലായിരുന്നു. വിപണിയിൽ ഒരു പവൻ സ്വർണത്തിന്റെ നിരക്ക് 45200 രൂപയും ഒരു ഗ്രാം സ്വർണത്തിന്റെ വിപണി വില 5,650 രൂപയുമായിരുന്നു. ഒക്ടോബർ 28ന് സ്വർണവില റെക്കോർഡിലെത്തിയിരുന്നു. അന്ന് ഒരു ഗ്രാം സ്വർണത്തിന് 5740 രൂപയും പവന് 45920 രൂപയുമായിരുന്നു വില.
അതേസമയം വെള്ളിയുടെ വിലയിൽ നേരിയ വർദ്ധനവ്. ഒരു ഗ്രാം സാധാരണ വെള്ളിയ്‌ക്ക് ഒരു രൂപ ഉയർന്ന് 78 രൂപയായി. ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.
