എറണാകുളം: ആലുവ പുഴയിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു. ആലുവ എസ്എൻഡിപി സ്കൂൾ വിദ്യാർത്ഥി മിഷാൽ (14) ആണ് മരിച്ചത്. ആലുവ കുന്നത്തേരി എടശേരി വീട്ടിൽ ഷാഫിയുടെ മകനാണ്. ഇന്ന് ഉച്ചയ്‌ക്കാണ് ആലുവ പുഴയിൽ മിഷാൽ കുളിക്കാനായെത്തിയത്.
മിഷാലിനൊപ്പം നാല് സുഹൃത്തുക്കളും ഉണ്ടായിരുന്നു. പുഴയിൽ മുങ്ങിത്താഴ്ന്ന മിഷാലിനെ രക്ഷിക്കാൻ ശ്രമിച്ചെങ്കിലും നടന്നില്ല. തുടർന്ന്, നാട്ടുകാരും ഫയർ ഫോഴ്സും നടത്തിയ തിരച്ചിലിലാണ് പുഴയിൽ നിന്ന് മൃതദേഹം കണ്ടെത്തിയത്.
