രാജ്യത്തെ പൗരന്മാരുടെ ഏറ്റവും പ്രധാനപ്പെട്ട രേഖയായി ആധാർ കാർഡ് മാറി കഴിഞ്ഞു. ഇതിനാൽ തന്നെ പാൻ നമ്പറുമായും മൊബൈൽ നമ്പറുമായും ബാങ്ക് അക്കൗണ്ട് നമ്പറുമായും ആധാർ ലിങ്ക് ചെയ്യേണ്ടതുണ്ട്. രജിസ്റ്റർ ചെയ്ത മൊബൈൽ നമ്പറിലേക്കാകും ആധാർ സാധൂകരിക്കുന്നതിനുള്ള ഒടിപി എത്തുക.
ഉപയോക്താക്കൾക്ക് അവരുടെ ആധാർ അക്കൗണ്ടിലേക്ക് മറ്റാരും കൈകടത്തുന്നില്ല എന്ന് ഉറപ്പുവരുത്താൻ ഇത് സഹായകമാകുന്നു. ആധാർ കാർഡിലെ മൊബൈൽ നമ്പർ വിവിധ സർക്കാർ, ബാങ്കിംഗ്, സാമൂഹിക സേവനങ്ങൾ ആക്സസ് ചെയ്യുന്നതിന് എളുപ്പമാകുന്നു. ആധാറിന് വേണ്ടി രജിസ്റ്റർ ചെയ്യുമ്പോഴോ വിശദാംശങ്ങൾ അപ്ഡേറ്റ് ചെയ്യുമ്പോഴോ ഐഡന്റിറ്റി പരിശോധിക്കാൻ മൊബൈൽ നമ്പർ വേണ്ടി വരും. വ്യാജ രജിസ്ട്രേഷനും അപ്ഡേറ്റിനും തടയിടുന്നതിനും ഇത് സഹായകമാകുന്നു.
പലർക്കും സംശയമുള്ള ഒരു കാര്യമാണ് ആധാറിൽ അന്താരാഷ്ട്ര മൊബൈൽ നമ്പർ ഉപയോഗിക്കാനാകുമോ എന്നത്. നിലവിൽ യുഐഡിഎഐ അന്താരാഷ്ട്ര അല്ലെങ്കിൽ ഇന്ത്യൻ ഇതര മൊബൈൽ നമ്പറുകളെ പിന്തുണയ്ക്കില്ല. ആധാർ കാർഡിൽ ഒരു അന്താരാഷ്ട്ര മൊബൈൽ നമ്പർ ഉപയോഗിക്കാനാകില്ല. ആധാർ കാർഡിൽ ഒരു അന്താരാഷ്ട്ര മൊബൈൽ നമ്പർ ഉപയോഗിക്കാനാകില്ല. ആധാർ രജിസ്ട്രേഷനും അപ്ഡേറ്റുകൾക്കും ഇന്ത്യൻ മ്പറുകൾ മാത്രമാണ് ഉപയോഗിക്കാനാകുക.
