എറണാകുളം: ഇനി ഐ.എ.എസ് ഉദ്യോഗസ്ഥരുടെ സ്ഥലമാറ്റം തീരുമാനിക്കാൻ സംസ്ഥാന സർക്കരിനാവില്ല. സെൻട്രൽ അഡ്മിനിസ്‌ട്രേറ്റീവ് ട്രെബ്യൂണൽ (സിഎടി) പുറത്തിറക്കിയ പുതിയ ഉത്തരവിലാണ് ഇക്കാര്യം പറയുന്നത്. സിവിൽ സർവീസ് ബോർഡിന്റെ ശുപാർശയില്ലാതെ ഐ.എ.എസ് ഉദ്യോഗസ്ഥരുടെ സ്ഥലമാറ്റവും നിയമനങ്ങളും
പാടില്ലെന്നാണ് ഉത്തരവ്. ഐ.എ.എസ് അസോസിയേഷൻ നൽകിയ ഹർജിയിലാണ് സിഎടി യുടെ ഇടക്കാല ഉത്തരവിറങ്ങിയത്.
ഐ.എ.എസ് അസോസിയേഷനാണ് ഹർജി നൽകിയതെന്നും സ്ഥലമാറ്റത്തിൽ ഉൾപ്പെട്ടവരല്ലായെന്നും ചൂണ്ടികാണിച്ച് സർക്കാർ ഹർജിക്കെതിരെ മുന്നോട്ട് വന്നിരുന്നു. എന്നാൽ സർക്കാരിന്റെ ഈ വാദം തള്ളിയാണ് ഉത്തരവ് ഇറങ്ങിയത്.
