മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര പല കാര്യങ്ങളും വളരെ ഉത്സാഹത്തോടെ സമൂഹമാദ്ധ്യമങ്ങളിലൂടെ ലോകത്തെ അറിയിക്കാറുണ്ട്. വ്യത്യസ്തതകൾ നിറഞ്ഞ കാര്യങ്ങൾ പ്രോത്സാഹിപ്പിക്കുന്നതിനും അത്തരം കാര്യങ്ങൾ പങ്കുവയ്‌ക്കുന്നതിനും അദ്ദേഹം പ്രത്യേകം മുൻകൈ എടുക്കാറുണ്ട്. അത്തരത്തിൽ അദ്ദേഹം റീ-ട്വീറ്റ് ചെയ്ത ഒരു ചിത്രമാണ് ഇപ്പോൾ ഉപയോക്താക്കൾക്കിടയിൽ ചിരി പടർത്തിയിരിക്കുന്നത്.
ന്യൂയോർക്കിൽ ബിസിനസ് ആവശ്യങ്ങൾക്കായി പോയപ്പോൾ അവിടെ കണ്ട ആനന്ദ് മിക്‌സ്ച്ചറിന്റെ ചിത്രങ്ങൾ ആനന്ദ് മഹീന്ദ്ര പങ്കുവച്ചത് സാമൂഹമാദ്ധ്യമ ഉപയോക്താക്കളെ വളരെയധികം ആകർഷിച്ചിരുന്നു. അന്ന് ആനന്ദ് എന്ന ബ്രാൻഡിന്റെ മിക്‌സച്ചർ ആണെങ്കിൽ ഇന്ന് തന്റെ അപരനെ തന്നെയാണ് അദ്ദേഹം എക്‌സിലൂടെ പരിചയപ്പെടുത്തിയിരിക്കുന്നത്.
Looks like we were separated during some Mela in our childhood…😃 https://t.co/j8j7B8ooAo
— anand mahindra (@anandmahindra) November 14, 2023
“>
” ഇദ്ദേഹത്തെ കാണുമ്പോൾ കുട്ടിക്കാലത്തെ ഏതോ മേളയ്‌ക്കിടയിൽ പെട്ട് ഞങ്ങൾ വേർപിരിഞ്ഞതു പോലെ തോന്നുന്നു”- ആനന്ദ് മഹീന്ദ്ര കുറിച്ചു. പിജെ എന്ന എക്‌സ് ഉപയോക്താവാണ് അദ്ദേഹത്തിന്റെ കൂടെ ജോലി ചെയ്യുന്ന സഹപ്രവർത്തകന്റെ ചിത്രങ്ങൾ എക്‌സിലൂടെ പങ്കുവച്ചത്. ആനന്ദ് മഹീന്ദ്രയെ പോലെ തോന്നിപ്പിക്കുന്ന എന്റെ സഹപ്രവർത്തകൻ എന്ന അടിക്കുറിപ്പോടെയായിരുന്നു പിജെ ചിത്രങ്ങൾ പോസ്റ്റ് ചെയ്തിരുന്നത്. ഇതിനുള്ള മറുപടി പോലെയാണ് മഹീന്ദ്ര ഗ്രൂപ്പ് ചെയർമാനും ചിത്രത്തെ റീട്വീറ്റ് ചെയ്തിരിക്കുന്നത്. ആനന്ദ് മഹീന്ദ്രയെ പോലും ഞെട്ടിപ്പിച്ച ആ അപരനെ കാണാൻ ഇപ്പോൾ നിരവധി പേരാണ് രംഗത്തെത്തിയിരിക്കുന്നത്.
