ന്യൂഡൽഹി: അഹമ്മദാബാദിൽ നടക്കുന്ന ക്രിക്കറ്റ് ലോകകപ്പ് മത്സരത്തോടനുബന്ധിച്ച് പ്രത്യേക ട്രെയിനുകൾ പ്രഖ്യാപിച്ച് ഇന്ത്യൻ റെയിൽവേ. മത്സരം കാണാനായി പോകുന്ന ക്രിക്കറ്റ് ആരാധകരുടെ തിരക്ക് കണക്കിലെടുത്താണ് പ്രത്യേക ട്രെയിനുകൾ അനുവദിച്ചിരിക്കുന്നത്. ഡൽഹിയിലും മുംബൈയിലുമാണ് പ്രത്യേക സർവീസുകൾ നടത്തുന്നത്.
ഡൽഹിയിൽ നിന്ന് ഒരു ട്രെയിനും മുംബൈയിൽ നിന്ന് മൂന്ന് ട്രെയിനുകളുമായിരിക്കും സർവീസ് നടത്തുക. നാളെ അഹമ്മദാബാദിലെ നരേന്ദ്രമോദി സ്റ്റേഡിയത്തിലാണ് ഇന്ത്യ -ഓസ്ട്രേലിയ ഫൈനൽ മത്സരം നടക്കുന്നത്.
യാത്രകാർക്ക് കുറഞ്ഞ നിരക്കിലാണ് ടിക്കറ്റുകൾ നൽകുന്നതെന്ന് ഇന്ത്യൻ റെയിൽവേ അറിയിച്ചു. സ്ലീപ്പർ ക്ലാസ് ടിക്കറ്റ് 620 രൂപ, 3 എസി ഇക്കോണമി ബെർത്ത് 1,525 രൂപ, സാധാരണ എസി സീറ്റ് 1,665 രൂപ, ഫസ്റ്റ് ക്ലാസ് എസി താമസം 3,490 രൂപ എന്നിങ്ങനെയാണ് ടിക്കറ്റ് നിരക്കുകൾ.
