ഇന്ത്യ- ഓസ്ട്രേലിയ ലോകകപ്പ് കീരിടത്തിൽ മുത്തമിടുന്നതാര്… പ്രവചനങ്ങളും നീരിക്ഷണങ്ങളും സമൂഹമാദ്ധ്യമങ്ങളിൽ തകൃതിയായി നടക്കുന്നുണ്ട്. എന്നാൽ ലോകകീരിടത്തിൽ മുത്തമിടുന്ന ടീമേതെന്ന ഓസ്ട്രേലിയൻ താരം മിച്ചൽ മാർഷിന്റെ പ്രവചനമാണ് ഇപ്പോൾ സമൂഹമാദ്ധ്യമങ്ങളിൽ വൈറൽ. അതും കഴിഞ്ഞ ഐപിഎല്ലിന്റെ സമയത്ത് താരം സമൂഹമാദ്ധ്യമത്തിൽ പങ്കുവച്ച പ്രവചനമാണെന്ന് കൂടി ഓർക്കണം.
ഏകദിന ലോകകപ്പ് ഫൈനൽ ഇന്ത്യയും ഓസ്ട്രേലിയയും തമ്മിലായിരിക്കുമെന്നാണ് ഐപിഎല്ലിന്റെ സമയത്ത് മാർഷ് പ്രവചിച്ചത്. അത് അതുപോലെ സംഭവിക്കുകയും ചെയ്തു. അത് മാത്രമല്ല മത്സരത്തിൽ ഇരു ടീമുകളും നേടുന്ന സ്കോറും താരം പ്രവചിച്ചിരുന്നു. ആദ്യം ബാറ്റ് ചെയ്യുന്ന ഓസീസ് 2 വിക്കറ്റ് നഷ്ടത്തിൽ 450 റൺസ് സ്കോർ ചെയ്യുമെന്നും മറുപടി ബാറ്റിംഗിൽ ഇന്ത്യയെ 65 റൺസിന് ഓൾ ഔട്ട് ആക്കി ഓസ്ട്രേലിയ കിരീടം നേടുമെന്നുമായിരുന്നു മാർഷിന്റെ പ്രവചനം. ഒരു പോഡ്കാസ്റ്റിലാണ് താരം ലോകകപ്പ് വിജയിയെ പ്രവചിച്ചത്.