ഹൈദരാബാദ്: തെലങ്കാനയിൽ റോഡ് ഷോ നടത്തി ബിജെപി ദേശീയ അദ്ധ്യക്ഷൻ ജെപി നദ്ദ. സംസ്ഥാന തിരഞ്ഞെടുപ്പ് പ്രചാരണത്തിന്റെ ഭാഗമായി മൽകജ്ഗിരിയിലെ ബിജെപി സ്ഥാനാർത്ഥി എൻ രാംചന്ദർ റാവുവിനെ പിന്തുണച്ചാണ് നദ്ദ റോഡ്ഷോ നടത്തിയത്. നാരായൺപേട്ടയിലും ചെവെല്ലയിലും സംഘടിപ്പിച്ച തിരഞ്ഞെടുപ്പ് പ്രചരണ റാലിയെ അദ്ദേഹം അഭിസംബോധന ചെയ്തു.
രാംചന്ദർ റാവു, ബിജെപി എം.പി കെ ലക്ഷ്മൺ എന്നിവർക്കൊപ്പമാണ് നദ്ദ റോഡ്ഷോയിൽ പങ്കെടുത്തത്. ‘കെസിആറും ബിആർഎസും ചേർന്ന് തെലങ്കാനയെ നശിപ്പിച്ചിരിക്കുകയാണ്. നിങ്ങൾക്ക് അതിൽ നിന്ന് രക്ഷപ്പെടാനുള്ള ദിവസമാണ് നവംബർ 30. ബിആർഎസ് അഴിമതിയിലേക്ക് മുങ്ങുകയാണ്. ഒരു വശത്ത് പ്രധാനന്ത്രി നരേന്ദ്രമോദി ജനങ്ങളുടെ ക്ഷേമത്തിനായി പ്രവർത്തിക്കുന്നു. മറുവശത്ത് കെസിആർ പ്രീണന രാഷ്ട്രീയം നടത്തുന്നു’.
ഉറുദിനെ അവർ രണ്ടാം ഭാഷയാക്കി. മതാടിസ്ഥാനത്തിലുള്ള സംവരണം നാല് ശതമാനം വർദ്ധിപ്പിക്കാൻ ശ്രമിക്കുന്നു. ഭൂമി തട്ടിയെടുക്കാൻ പദ്ധതികളിടുന്നു. ഇത്തരത്തിൽ പ്രീണന രാഷ്ട്രീയം നടത്തുന്നവരെ നിങ്ങൾ അധികാരത്തിൽ നിന്നും നീക്കം ചെയ്യണമെന്നും റോഡ് ഷോയ്ക്കിടെ നദ്ദ പറഞ്ഞു.
