മക്കളുടെ വിവാഹത്തെ കുറിച്ച് മനസ് തുറന്ന് നടി പാർവതി. കാളിദാസിന്റെ വിവാഹമല്ല, മകൾ മാളവിക ജയറാമിന്റെ വിവാഹമായിരിക്കും ആദ്യം നടക്കുക എന്ന് പാർവതി പറഞ്ഞു. നടി കാർത്തികയുടെ വിവാഹത്തിന് എത്തിയപ്പോഴായിരുന്നു താരത്തിന്റെ പ്രതികരണം. മാദ്ധ്യമങ്ങളുടെ ചോദ്യത്തിനാണ് മക്കളുടെ വിവാഹത്തെക്കുറിച്ച് ചുരുക്കം വാക്കുകളിൽ പാർവതി പ്രതികരിച്ചത്.
കാളിദാസ് ജയറാമിന്റെ വിവാഹം എപ്പോഴാണെന്നായിരുന്നു മാദ്ധ്യമ പ്രവർത്തകരുടെ ചോദ്യം. ‘മോന്റെ കല്യാണം ഉടനെയില്ല, മോളുടെ വിവാഹമാണ് ആദ്യം’ എന്നായിരുന്നു പാര്വതിയുടെ പ്രതികരണം. കാളിദാസിന്റെയും മോഡൽ താരിണി കലിംഗരായരുടെയും വിവാഹ നിശ്ചയം കഴിഞ്ഞ ആഴ്ചയായിരുന്നു നടന്നത്. ഇരുവരുടെയും പ്രണയ വാര്ത്തകളും ചിത്രങ്ങളും സോഷ്യല് മീഡിയയില് ആരാധകര് ഏറ്റെടുത്തിരുന്നു.
കാളിദാസിന്റെ നിശ്ചയം കഴിഞ്ഞതോടെ വിവാഹം എന്നാണെന്ന കാത്തിരിപ്പിലായിരുന്നു ആരാധകർ. ഇതിനിടയാണ് മകളുടെ വിവാഹത്തെക്കുറിച്ച് പാർവതിയുടെ പ്രതികരണം. മാളവിക ഒരു യുവാവിനൊപ്പമുള്ള ചിത്രങ്ങൾ സമൂഹമാദ്ധ്യമങ്ങളിൽ അടുത്തിടെ പങ്കുവച്ചിരുന്നു. മാളവികയുടെ പോസ്റ്റിന് താഴെ അളിയന് എന്ന കമന്റ് കാളിദാസ് ഇട്ടതോടെയാണ് മാളവികയുടെ കല്യാണവും ആരാധകർക്കിടയിൽ ചർച്ചയായത്.
