മധുരപ്രിയർക്ക് ഒഴിച്ചു കൂടാൻ കഴിയാത്ത ഒന്നാണ് പഞ്ചസാര. ചായയോ കാപ്പിയോ ഏതുമാകട്ടെ പഞ്ചസാര അമിത അളവിൽ ഇട്ടു കുടിക്കുന്നവരാണ് നമ്മിൽ പലരും. അമിതമായാൽ അമൃതും വിഷം എന്ന് നാം കേട്ടിരിക്കുമല്ലോ? അതുകൊണ്ടുതന്നെ പഞ്ചസാര എന്ന സൈലന്റ് കില്ലറെ അറിയാതെ പോകരുത്. നിങ്ങൾ പഞ്ചസാരയ്‌ക്ക് അടിമപ്പെട്ടുവെന്ന് എങ്ങനെ മനസിലാക്കാം? അറിയാം..
മധുരത്തോടുള്ള അമിത താല്പര്യം
പഞ്ചസാര അമിതമായി കഴിക്കുന്നവരിൽ പ്രകടമാകുന്ന ആദ്യ ലക്ഷണമാണ് മധുരത്തോടുള്ള അമിത താല്പര്യം. ഇത്തരക്കാരിൽ അമിത വിശപ്പും ഉടലെടുക്കാം.
വിഷാദ രോഗം
പഞ്ചസാര അമിതമായി അടങ്ങുന്ന ഭക്ഷണങ്ങൾ കഴിക്കുന്നത് വിഷാദ രോഗത്തിന് കാരണമാകുന്നുവെന്നാണ് വിദഗ്ധർ പറയുന്നത്. വിഷാദ രോഗം കൂടുതലായാൽ ഇത് ആത്മഹത്യയിലേക്ക് നയിച്ചേക്കാമെന്ന് പഠനങ്ങൾ പറയുന്നു.
മുഖക്കുരു
നിയന്ത്രിത അളവിനെക്കാൾ കൂടുതൽ പഞ്ചസാര അടങ്ങിയ ഭക്ഷണങ്ങൾ ശീലമാക്കുന്നത് മുഖക്കുരുവിനും മറ്റ് ചർമ്മ പ്രശ്‌നങ്ങൾക്കും ഇടയാക്കിയേക്കാം.
പൊണ്ണത്തടി
അമിത കലറോറി അടങ്ങിയിട്ടുള്ള ഒരു ഭക്ഷണ പദാർത്ഥമാണ് പഞ്ചസാര. ഇത് നിങ്ങളിൽ പൊണ്ണത്തടി ഉണ്ടാക്കുന്നതിന് കാരണമായേക്കാം. നിശ്ചിത അളവിൽ മാത്രം പഞ്ചസാര കഴിക്കാൻ പ്രത്യേകം ശ്രദ്ധിക്കുക.
