ബാങ്കോക്ക് : ലോക ഹിന്ദു കോൺഗ്രസിൽ പങ്കെടുക്കാൻ ദക്ഷിണാഫ്രിക്കൻ ക്രിക്കറ്റ് താരം കേശവ് മഹാരാജ് . നേരത്തേ ലോകകപ്പിന്റെ തിരക്കുകൾ മൂലം പരിപാടിയിൽ പങ്കെടുക്കാനാകില്ലെന്ന് താരം അറിയിച്ചിരുന്നെങ്കിലും ഇപ്പോൾ കേശവ് മഹാരാജ് പരിപാടിയിൽ പങ്കെടുക്കുമെന്നാണ് തായ് മാദ്ധ്യമങ്ങൾ റിപ്പോർട്ട് ചെയ്യുന്നത് .
നേരത്തേ ലോകഹിന്ദു കോൺഗ്രസിന് ആശംസകൾ അറിയിച്ചും കേശവ് മഹാരാജ് രംഗത്തെത്തിയിരുന്നു. ഇത് ഒരു അവിസ്മരണീയ സംഭവമാകുമെന്നാണ് കേശവ് മഹാരാജ് പറഞ്ഞത് . ഹൈന്ദവ വിശ്വാസങ്ങളെ ചേർത്തുപ്പിടിക്കുന്ന ദക്ഷിണാഫ്രിക്കൻ താരമാണ് കേശവ് മഹാരാജ്. താരം ക്രീസിൽ പ്രാർത്ഥിക്കുന്നതും ബാറ്റിലെ ഒം ചിഹ്നവും ഏറെ ശ്രദ്ധ നേടീയിരുന്നു.
ജയസ്യ ആയത്നം ധർമ്മ” (ധർമ്മം, വിജയത്തിന്റെ വാസസ്ഥലം) എന്ന വിഷയത്തെ അടിസ്ഥാനമാക്കിയുള്ള മൂന്ന് ദിവസത്തെ ആഗോള ഇവന്റ്, വിവിധ മേഖലകളിലുള്ള ആഗോള ഹിന്ദു സമൂഹത്തിന്റെ സംഭാവനകളും ചർച്ച ചെയ്യും . വിവിധ രാജ്യങ്ങളിൽ നിന്നുമുള്ള ഹിന്ദുക്കൾ പരിപാടിയിൽ ഒത്തു ചേരും . ഇന്ത്യയിൽ നിന്ന് മോഹൻ ഭാഗവത്, യോഗി ആദിത്യനാഥ് , മാതാ അമൃതാനന്ദമയി എന്നിവരും പരിപാടിയിൽ പങ്കെടുക്കും.