ഹൈദരാബാദ്: തെലങ്കാനയിൽ ബിആർഎസിനെതിരെയും കോൺഗ്രസിനെതിരെയും ആഞ്ഞടിച്ച് ബിജെപി ദേശീയ അദ്ധ്യക്ഷൻ ജെപി നദ്ദ. വരുന്ന തിരഞ്ഞെടുപ്പിൽ ജനങ്ങൾ ബിആർഎസിനെ പുറത്താക്കാൻ തയ്യാറാണെന്ന് അദ്ദേഹം പറഞ്ഞു. ഹൈദരാബാദിൽ സംഘടിപ്പിച്ച പൊതുറാലിയെ അഭിസംബോധന ചെയ്ത് സംസാരിക്കുകയായിരുന്നു നദ്ദ.
‘കോൺഗ്രസ് എന്നാൽ അഴിമതിയും കൊള്ളയും നിറഞ്ഞ പർട്ടിയാണ്. ബിജെപിയും ജനസേനയും ചേരുന്നതിലൂടെ തെലങ്കാനയുടെ വിധിയും ചിത്രവും മാറാൻ പോവുകയാണ്. ബിആർഎസ് സംസ്ഥാനത്തിന്റെ വികസനത്തിനായി എന്താണ് ചെയ്യുന്നത്. ഇന്ന് പ്രധാനമന്ത്രി നരേന്ദ്രമോദിയുടെ നേതൃത്വത്തിൽ രാജ്യം ലോകത്തിലെ അഞ്ചാമത്തെ വലിയ സാമ്പത്തിക ശക്തിയായി മാറിയിരിക്കുകയാണ്. അടുത്ത രണ്ട് വർഷത്തിനുള്ളിൽ ലോകത്തിലെ രണ്ടാമത്തെ വലിയ സാമ്പത്തിക ശക്തിയായി ഭാരതം മാറും’.
രാജ്യത്ത് ദരിദ്രരേയും പിന്നാക്ക വിഭാഗക്കാരേയും ശാക്തീകരിക്കാൻ ആരെങ്കിലും ഉണ്ടെങ്കിൽ അത് പ്രധാനമന്ത്രി നരേന്ദ്രമോദിയാണ്. അദ്ദേഹത്തിന്റെ നേതൃത്വത്തിലുള്ള സർക്കാർ സ്ത്രീകളുടെയും കർഷകരുടെയും ദളിതരുടെയും ക്ഷേമത്തിനായാണ് പ്രവർത്തിക്കുന്നത്. അത് മുന്നോട്ട് കൊണ്ടു പോകേണ്ടത് ജനങ്ങളുടെ ഉത്തരവാദിത്വമാണെന്നും നദ്ദ പറഞ്ഞു.
