ചാനലിൽ സ്റ്റിക്കറുകൾ പങ്കുവെയ്ക്കാൻ പുതിയ ഫീച്ചർ അവതരിപ്പിച്ച് വാട്സ്ആപ്പ്. അഡ്മിൻമാർക്കാകും ഈ ഫീച്ചർ അവതരിപ്പിക്കാൻ കഴിയുക.
പരീക്ഷണാടിസ്ഥാനത്തിൽ ഐഒഎസ് പ്ലാറ്റ്ഫോമിൽ ഫീച്ചർ അവതരിപ്പിച്ചിട്ടുണ്ട്.
അടുത്തിടെയാണ് വാട്സ്ആപ്പിൽ ചാനൽ ഫീച്ചർ അവതരിപ്പിച്ചത്. പ്രമുഖരുടെ പോസ്റ്റുകളും വീഡിയോകളും കാണാൻ ഉപയോക്താവിനെ സഹായിക്കുന്നതാണ് ഫീച്ചർ. നമ്പർ വെളിപ്പെടുത്താതെ തന്നെ ചാനൽ സബ്സ്ക്രിപ്ഷൻ ലഭിക്കുമെന്നതിനാൽ സ്വകാര്യതയെ ഒരു വിധത്തിലും ബാധിക്കില്ല എന്നതാണ് ഈ ചാനലിന്റെ പ്രത്യേകത.
ഇതിന് പിന്നാലെയാണ് ചാനൽ അഡ്മിൻമാർക്ക് സ്റ്റിക്കറുകൾ ഷെയർ ചെയ്യാൻ കഴിയുന്ന ഫീച്ചർ അവതരിപ്പിക്കുന്നത്. ഇമോഷൻസ്, എക്സ്പ്രഷൻസ് എന്നിവ കൃത്യമായി ആശയവിനിമയം നടത്താൻ കഴിയുന്ന തരത്തിലുള്ള സ്റ്റിക്കറുകൾക്കാണ് രൂപം നൽകുക.
