കശ്മീരിലെ പഹൽഗാമിലുള്ള മാമൽ ക്ഷേത്രത്തിൽ ദർശനം നടത്തി നടൻ മണിക്കുട്ടൻ. ക്ഷേത്ര ദർശനം നടത്തുന്ന ചിത്രങ്ങളും വിശേഷങ്ങളും താരം തന്നെയാണ് സമൂഹമാദ്ധ്യമമായ ഇൻസ്റ്റഗ്രാമിലൂടെ പങ്കുവച്ചത്.
View this post on Instagram
നേരത്തെ കശ്മീർ യാത്രയിലെ മനോഹര ചിത്രങ്ങളും താരം ആരാധകർക്കായി പങ്കുവച്ചിരുന്നു. ക്ഷേത്ര ദർശനത്തിന് ശേഷം മണിക്കുട്ടൻ പങ്കുവച്ച കുറിപ്പ് ഇങ്ങനെ……
കാശ്മീർ താഴ്വരയിലെ പഹൽഗാം പട്ടണത്തിൽ സ്ഥിതി ചെയ്യുന്ന മാമൽ ക്ഷേത്രം സന്ദർശിച്ചു. ക്ഷേത്രനടയിലെ പരിസരവും പ്രദേശങ്ങളും വൃത്തിയാക്കുന്ന പ്രിയപ്പെട്ട അബ്ദുൽ റഹ്മാൻ ജിയാണ് ചിത്രം പകർത്തിയത്.
സ്നേഹപൂർവം ഈ ചിത്രത്തിനു നന്ദി അറിയിക്കുന്നു. ചരിത്രം ഉറങ്ങുന്ന, 900 വർഷം പഴക്കമുള്ള ക്ഷേത്രത്തിൽ പോകാൻ സാധിച്ചതിൽ ഞാൻ അഭിമാനിക്കുന്നു. എന്നായിരുന്നു മണിക്കുട്ടന്റെ കുറിപ്പ്.
മണിക്കുട്ടൻ പങ്കുവെച്ച കശ്മീർ യാത്രയുടെ മനോഹര ചിത്രങ്ങളും വീഡിയോകളും ഇതിനോടകം ആരാധകർ ഏറ്റെടുത്ത് കഴിഞ്ഞു. ബോയ് ഫ്രണ്ട് എന്ന ചിത്രത്തിലൂടെയായിരുന്നു മണിക്കുട്ടൻ മലയാള സിനിമയിലേയ്ക്ക് കടന്നു വന്നത്.
പിന്നീട് നിരവധി സിനിമകളിൽ മികച്ച പ്രകടനം കാഴ്ചവച്ച് മലയാളികളുടെ പ്രിയതാരമായി മാറുകയായിരകുന്നു മണിക്കുട്ടൻ.