മലപ്പുറം: കരിപ്പൂർ വിമാനത്താവളത്തിൽ വീണ്ടും സ്വർണവേട്ട. ഇന്തപ്പഴത്തിനുള്ളിൽ ഒളിപ്പിച്ച് കടത്താൻ ശ്രമിച്ച സ്വർണമാണ് പിടികൂടിയത്. മസ്‌കറ്റിൽ നിന്ന് എത്തിച്ച 170 ഗ്രാം സ്വർണം കരിപ്പൂർ വിമാനത്താവളത്തിൽ വച്ച് കസ്റ്റംസ് പിടിയിലാവുകയായിരുന്നു. സംഭവത്തിൽ കാസർകോട് മൊഗ്രാൽ സ്വദേശി ഇസ്മയിൽ അബ്ദുള്ളയാണ് സ്വർണം കടത്താൻ ശ്രമിച്ചത്. പിടികൂടിയ സ്വർണത്തിന് വിപണിയിൽ 10 ലക്ഷം രൂപയിലേറെ വിലമതിക്കുമെന്നാണ് റിപ്പോർട്ട്.
