കന്നട സിനിമയിൽ നിരവധി ഹിറ്റ് സമ്മാനിച്ചുകൊണ്ടിരിക്കുന്ന താരമാണ് റിഷഭ് ഷെട്ടി. സംവിധായകനായും നടനായും തിളങ്ങിക്കൊണ്ടിരിക്കുന്ന താരത്തിന്റെ ഹിറ്റ് ചിത്രം കാന്താര തന്നെയാണ്. കഴിഞ്ഞ വർഷത്തെ ഏറ്റവും വലിയ ഹിറ്റുകളിലൊന്ന് കൂടിയായിരുന്നു കാന്താര. സംവിധാന മികവു കൊണ്ടും പ്രകടനംകൊണ്ടും രാജ്യം മുഴുവൻ ഉറ്റു നോക്കിയ ചിത്രമായിരുന്നു കാന്താര. സിനിമയുടെ രണ്ടാം ഭാഗത്തിന്റെ ചിത്രീകരണവും ആരംഭിച്ച് കഴിഞ്ഞു.
ഗോവ അന്താരാഷ്‌ട്ര ചലച്ചിത്രമേളയിൽ പ്രത്യേക ജൂറി പരാമർശം ലഭിച്ചിരുന്നു കാന്താരയ്‌ക്ക്. ഒപ്പം രജത മയൂരവും ക്യാഷ് പ്രൈസും താരം നേടിയിരുന്നു. തുടർന്ന് താരം പറഞ്ഞ വാക്കുകളാണ് ഇപ്പോൾ ശ്രദ്ധേയമാകുന്നത്. ബോളിവുഡിലേയ്‌ക്ക് അവസരം ലഭിച്ചിരുന്നോ എന്ന ചോദ്യത്തിന് മറുപടി പറയുകയായിരുന്നു അദ്ദേഹം. റിഷഭ് ഷെട്ടിയുടെ വാക്കുകൾ ഇങ്ങനെ..
‘ കാന്താരയുടെ വിജയത്തിന് ശേഷം ഹിന്ദിയിൽ നിന്ന് മാത്രമല്ല മറ്റു ഭാഷകളിൽ നിന്നും അവസരങ്ങൾ വന്നിരുന്നു. എന്നാൽ എനിക്ക് കന്നട സിനിമയാണ് എന്നും പ്രിയപ്പെട്ടത്. കന്നഡ സിനിമാ വ്യവസായം വിട്ടുപോകാൻ താൻ ആഗ്രഹിച്ചിട്ടില്ല. അതൊരു വികാരമാണ്. ഒരു ഹിറ്റ് നൽകിയശേഷം താൻ കന്നഡ വിട്ടുപോകുമെന്ന് ആരും കരുതരുതെന്നും റിഷബ് ഷെട്ടി പറഞ്ഞു’.
കന്നഡ സിനിമാ ചരിത്രത്തിൽ ആദ്യമായാണ് ഒരു അവാർഡ് ലഭിക്കുന്നത്. പുരസ്‌കാര സന്തോഷം നിർമ്മാതാക്കളായ ഹോബാലെ ഫിലിംസ് പങ്കുവച്ചിരുന്നു.
