തിരുവനന്തപുരം: സംസ്ഥാനത്ത് ഇന്നും സ്വർണവിലയിൽ വർദ്ധനവ്. പവന് 120 രൂപ വർദ്ധിച്ച് വിപണിയിൽ വില 46,160 രൂപയായി. ഗ്രാമിന് ഇന്ന് 15 രൂപയാണ് വർദ്ധിച്ചത്. ഒരു ഗ്രാം സ്വർണത്തിന് വില 5,770 രൂപയുമായി.
തുടർച്ചയായ രണ്ടാം ദിനമാണ് സ്വർണവിലയിൽ വർദ്ധനവ് രേഖപ്പെടുത്തിയിരിക്കുന്നത്. ഇന്നലെ പവന് 80 രൂപ വർദ്ധിച്ച് വിപണിയിൽ വില 46,040 രൂപയായിരുന്നു. അന്താരാഷ്‌ട്ര സ്വർണ വിപണിയിലെ വില വ്യത്യാസമാണ് സംസ്ഥാനത്തെ വിലയിലും പ്രതിഫലിക്കുന്നത്.
അതേസമയം തുടർച്ചയായ രണ്ടാം ദിനവും വെള്ളി വിലയിൽ ഇടിവ് രേഖപ്പെടുത്തി. ഒരു ഗ്രാം സാധാരണ വെള്ളിയ്‌ക്ക് 1 രൂപ കുറഞ്ഞ് 80 രൂപയിലാണ് വ്യാപാരം നടക്കുന്നത്. ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.
