കൗമാരക്കാർക്കിടയിൽ ഇന്ന് സ്മാർട്ട്ഫോണുകളുടെ ഉപയോഗം വർദ്ധിച്ച് വരുകയാണ്. നിരവധി കുട്ടികളിൽ ഇതിന്റെ പ്രത്യാഘാതങ്ങളും കണ്ടെത്തിയിട്ടുണ്ട്.കൗമാരക്കാർക്കിടയിൽ ദിവസേനെയുള്ള സ്മാർട്ട്ഫോൺ ഉപയോഗം മെന്റൽ ഹെൽത്തിനെ ബാധിക്കുമെന്ന് പഠനം. ദിവസവും നാലുമണിക്കൂറിലധിക നേരം സ്മാർട്ട്ഫോണുകൾ ഉപയോഗിക്കുന്നത് വഴി നിരവധി ആരോഗ്യ പ്രശ്നങ്ങളാണ് ഉണ്ടാവുക.
കൊറിയയിലെ ഹൻയാങ് യുണിവേഴ്സിറ്റിയിലെ മെഡിക്കൽ സംഘം നടത്തിയ പഠനത്തിലാണ് കണ്ടെത്തൽ. 50,000 കൗമാരക്കാരിലാണ് അവർ പഠനം നടത്തിയത്. അതിൽ പല കുട്ടികളിലും സ്മാർട്ട്ഫോണിന്റെ അമിതോപയോഗം ആരോഗ്യപ്രശ്നങ്ങൾക്ക് കാരണമാണെന്ന് തെളിഞ്ഞിട്ടുണ്ട്. ഉറക്കകുറവ്, മാനസികാരോഗ്യം, മസ്കുലോസകലെറ്റൽ ഡിസോഡർ പോലുള്ള പ്രശ്നങ്ങളാണ് അധികവും കണ്ടെത്തിയിരിക്കുന്നത്.
ലഹരി വസ്തുക്കളോടുള്ള ആസക്തി വർദ്ധിക്കാനും സ്മാർട്ട്ഫോണുകൾ കാരണമാവുമെന്നാണ് കണ്ടെത്തൽ. കൂടതെ സമ്മർദ്ദം, ആത്മഹത്യാ പ്രവണത, തുടങ്ങിയവയും കുട്ടികളിൽ പ്രകടമാകുന്നുണ്ടെന്നും പഠനത്തിൽ തെളിഞ്ഞു.
