തിരുവനന്തപുരം: സംസ്ഥാനത്ത് തുടർച്ചയായി ഇന്നും സ്വർണവില ഇടിഞ്ഞു. ഇന്ന് പവന് 80 രൂപ കുറഞ്ഞ് 45,320 രൂപയായി. ഗ്രാമിന് ഇന്ന് 10 രൂപയാണ് കുറഞ്ഞത്. ഇതോടെ ഒരു ഗ്രാം സ്വർണത്തിന്റെ വില 5,665 രൂപയിലെത്തി.
ഇന്നലെയും ഒരു പവൻ സ്വർണത്തിന് 160 രൂപ കുറഞ്ഞിരുന്നു. കഴിഞ്ഞ നാല് ദിവസങ്ങളായി സ്വർണവില കുറവ് രേഖപ്പെടുത്തി മുന്നേറുകയാണ്. രാജ്യാന്തര വിപണിവിലയിലെ വ്യത്യാസങ്ങളാണ് കേരളത്തിലും പ്രതിഫലിച്ചിരിക്കുന്നത്.
വെള്ളിയുടെ വിലയിലും നേരിയ ഇടിവുണ്ടായി. ഒരു ഗ്രാം സാധാരണ വെള്ളിയുടെ വില ഇന്ന് 77 രൂപയാണ്. ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.
