കുറഞ്ഞ് കുറഞ്ഞ് ഒടുവിൽ കുതിച്ച് സ്വർണവും വെള്ളിയും; ഇന്നത്തെ നിരക്കുകൾ ഇങ്ങനെ.. 

കൊച്ചി: കുതിച്ചുയർന്ന് സ്വർണവില. ​ഗ്രാമിന് 100 രൂപയാണ് ഇന്ന് ഉയർന്നത്. ഇതോടെ ​ഗ്രാമിന് 5,765 രൂപയായി. പവന് 800 രൂപ വർദ്ധിച്ച് 46,120 രൂപയായി.

വെള്ളിയുടെ വിലയും ഉയർന്നിട്ടുണ്ട്. ​ഗ്രാമിന് രണ്ട് രൂപയുടെ വർദ്ധനവാണുണ്ടായത്. 79 രൂപയാണ് വെള്ളിയുടെ ഇന്നത്തെ വിപണി വില. ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.

കഴിഞ്ഞ അഞ്ച് ദിവസം തുടർച്ചയായി സ്വർണവില ഇടിവ് രേഖപ്പെടുത്തിയിരുന്നു. ഇതിന് പിന്നാലെയാണ് പെട്ടെന്നുള്ള കുതിപ്പ്.