ബോളിവുഡ് സൂപ്പർ താരം സണ്ണി ലിയോണിന് ഏറ്റവും കൂടുതൽ ആരാധകരുള്ള സ്ഥലമാണ് കേരളം. സണ്ണി ലിയോൺ എത്തുന്നു എന്ന വാർത്ത കേട്ടാൽ ലക്ഷങ്ങളാണ് ഒത്തുകൂടുന്നത്. കേരളത്തിലെ തന്റെ ആരാധകരെപ്പറ്റി താരം തന്നെ പലപ്പോഴും പ്രതികരിച്ചിട്ടുണ്ട്. കേരളത്തിലെ സണ്ണി ആരാധകർക്ക് ആവേശം നൽകുന്ന ഒരു വാർത്തയാണ് ഇപ്പോൾ പുറത്തു വന്നിരിക്കുന്നത്. ഒരു മലയാളം വെബ് സീരിസിൽ സണ്ണി ലിയോൺ അഭിനയിക്കുന്നു എന്നതാണ് പുതിയ വാർത്ത.
‘പാൻ ഇന്ത്യൻ സുന്ദരി’ എന്നാണ് വെബ് സീരിസിന്റെ പേര്. സതീഷ് സംവിധാനം ചെയ്യുന്ന സീരീസ് പ്രദർശനത്തിനെത്തിക്കുന്നത് ഹൈ റിച്ച് ഗ്രൂപ്പിന്റെ എച്ച് ആർ ഒടിടിയാണ്. എച്ച്ആർ പ്രൊഡക്ഷ്സിന്റെ ബാനറിൽ ശ്രീന പ്രതാപനാണ് സീരീസ് നിർമ്മിക്കുന്നത്. പ്രിൻസി ഡെന്നിയും ലെനിൻ ജോണിയും ചേർന്നാണ് തിരക്കഥ.
അപ്പാനി ശരത്തും മാളവികയും നായിക നായകന്മാർ ആകുന്ന ‘പാൻ ഇന്ത്യൻ സുന്ദരി’ മലയാളത്തിലെ ആദ്യ ബിഗ് ബഡ്ജറ്റ് കോമഡി ആക്ഷൻ ത്രില്ലർ സീരിസാണ്. മണിക്കുട്ടൻ, ജോണി ആന്റണി, ജോൺ വിജയ്, ഭീമൻ രഘു, സജിത മഠത്തിൽ, കോട്ടയം രമേശ് ,അസീസ് നെടുമങ്ങാട്, ഹരീഷ് കണാരൻ, നോബി മർക്കോസ് തുടങ്ങി വലിയ താരനിരയും ചിത്രത്തിൽ അണിനിരക്കുന്നുണ്ട്.