ദക്ഷിണാഫ്രിക്കയ്‌ക്ക് എതിരെയുള്ള ടെസ്റ്റ് പരമ്പരയിൽ നിന്ന് ഇഷാൻ കിഷൻ ഒഴിവായി. താരത്തിന്റെ അഭ്യർത്ഥനയെ തുടർന്നാണ് തീരുമാനം. തുടർന്ന് പിന്മാത്തിനുള്ള അനുമതി ബിസിസിഐ നൽകുകയായിരുന്നു. വ്യക്തിപരമായ കാരണങ്ങളെ തുടർന്നാണ് പിന്മാറ്റം.
രണ്ടു ടെസ്റ്റ് മത്സരങ്ങളാണ് പ്രോട്ടീസിനെതിരെയുള്ളത്. താരം പിന്മാറിയ കാര്യം സ്ഥിരീകരിച്ച ബിസിസിഐ പകരക്കാരനെയും പ്രഖ്യാപിച്ചു. വിക്കറ്റ് കീപ്പർ ബാറ്റർ കെ.എസ് ഭരത് ആണ് ഇനി ദക്ഷിണാഫ്രിയ്‌ക്കെതിരെ കളിക്കുക. താരം നിലവിൽ ഇന്ത്യ എ ടീമിനായി കളിക്കുന്നുണ്ട്.
ദക്ഷിണാഫ്രിക്ക എയ്‌ക്കെതിരെ ആദ്യ സന്നാഹ മത്സരത്തിൽ ഇന്ത്യയെ നയിച്ചത് ഭരതായിരുന്നു. ടെസ്റ്റ് ടീമിൽ രണ്ടാമത്തെ വിക്കറ്റ് കീപ്പറായാണ് കെഎസ് ഭരതിനെ ടീമിൽ ഉൾപ്പെടുത്തിയിരിക്കുന്നത്.
