ലണ്ടൻ : ‘അഭയാർത്ഥികളിൽ’ നിന്ന് യൂറോപ്യൻ രാജ്യങ്ങൾക്ക് ഏറെ ദുരിതം അനുഭവിക്കേണ്ടി വരുന്നുവെന്ന് ബ്രിട്ടീഷ് പ്രധാനമന്ത്രി ഋഷി സുനക് . ബ്രിട്ടനിൽ വർദ്ധിച്ചുവരുന്ന നുഴഞ്ഞുകയറ്റക്കാരുടെ എണ്ണത്തിൽ ആശങ്ക പ്രകടിപ്പിക്കുക മാത്രമല്ല, യൂറോപ്പ് മുഴുവൻ മുന്നറിയിപ്പ് നൽകുകയും ചെയ്തു ഋഷി സുനക് .
‘അഭയാർത്ഥികളെ’ ആയുധമാക്കി ഇവിടുത്തെ ജനങ്ങളുടെ ജീവിതം ദുസ്സഹമാക്കാനാണ് യൂറോപ്യൻ രാജ്യങ്ങളുടെ ചില ‘ശത്രുക്കൾ’ ആഗ്രഹിക്കുന്നതെന്നും ബ്രിട്ടീഷ് പ്രധാനമന്ത്രി പറയുന്നു. ‘അഭയാർത്ഥികൾ’ വർദ്ധിക്കുന്നത് യൂറോപ്പിലെ രാജ്യങ്ങൾക്ക് വലിയ പ്രശ്‌നമായി മാറുമെന്നും അദ്ദേഹം വ്യക്തമായി പറയുന്നു.
വർദ്ധിച്ചുവരുന്ന അഭയാർത്ഥികളുടെ എണ്ണം നിയന്ത്രിക്കുന്നതിനുള്ള നടപടികൾ കൈക്കൊള്ളേണ്ടത് വളരെ പ്രധാനമാണ് . കുറ്റകൃത്യങ്ങളിൽ ഏർപ്പെട്ടിരിക്കുന്ന സംഘങ്ങൾ ‘മനുഷ്യത്വ’ത്തിന്റെ പേരിൽ മനുഷ്യക്കടത്ത് ചെയ്യുന്നത് ആ രാജ്യത്തെ പൗരന്മാരുടെ ജീവൻ അപകടത്തിലാക്കുന്നുണ്ട് . അതിനാൽ, ഈ പ്രശ്നം ഇപ്പോൾ കൈകാര്യം ചെയ്തില്ലെങ്കിൽ, നുഴഞ്ഞുകയറ്റക്കാരുടെ എണ്ണം യൂറോപ്പിൽ വലിയ പ്രശ്നം സൃഷ്ടിക്കും.
അഭയാർത്ഥി നിയമങ്ങളിൽ മാറ്റം വരുത്തേണ്ടതുണ്ടെന്നും അദ്ദേഹം പറഞ്ഞു. ഈ നുഴഞ്ഞുകയറ്റം തടയണമെങ്കിൽ അഭയാർത്ഥികളുമായി ബന്ധപ്പെട്ട അന്താരാഷ്‌ട്ര നിയമങ്ങൾ മെച്ചപ്പെടുത്തേണ്ടതുണ്ട്. – അദ്ദേഹം കൂട്ടിച്ചേർത്തു .
മധ്യേഷ്യൻ രാജ്യങ്ങളിൽ പതിറ്റാണ്ടുകളായി നടക്കുന്ന അക്രമങ്ങളും കൂട്ടക്കൊലകളും കാരണം, ബ്രിട്ടൻ ഉൾപ്പെടെയുള്ള പല യൂറോപ്യൻ രാജ്യങ്ങളും തങ്ങളുടെ രാജ്യങ്ങളിൽ വർദ്ധിച്ചുവരുന്ന മുസ്ലീം ‘അഭയാർത്ഥികളുടെ’ എണ്ണത്തിൽ ആശങ്കാകുലരാണ് . പാകിസ്താൻ, സിറിയ, ഈജിപ്ത് തുടങ്ങിയ രാജ്യങ്ങളിൽ നിന്നുള്ള ‘അഭയാർത്ഥികൾ’ അഭയം തേടി എത്തുന്ന രാജ്യങ്ങളിൽ, നാശം സൃഷ്ടിക്കുന്നുണ്ട് . ആ രാജ്യത്തെ നിയമങ്ങൾ കാറ്റിൽ പറത്തി, സാധാരണ പൗരന്മാരുടെ ജീവിതം ബുദ്ധിമുട്ടിലാക്കുകയാണ് ഇവർ . യൂറോപ്പിലെ മറ്റ് പല രാജ്യങ്ങളും ഈ പ്രശ്നം നേരിടുന്നുണ്ട് .
