മുംബൈ: നാല് വയസിന് താഴെയുള്ള കുട്ടികൾക്കായുള്ള കഫ്സിറപ്പുകളിൽ ആന്റി-കോൾഡ് ഡ്രഗ് കോമ്പിനേഷൻ ഉപയോഗിക്കുന്നത് നിരോധിച്ച് സെൻട്രൽ ഡ്രഗ്സ് സ്റ്റാൻഡേർഡ് കൺട്രോൾ ഓർഗനൈസേഷൻ. ജലദോഷത്തിനും ചുമയ്ക്കും ഉപയോഗിക്കുന്ന ഈ കഫ്സിറപ്പുകളിൽ ഡ്രഗ് കോമ്പിനേഷൻ ഉപയോഗിച്ചിട്ടില്ലെന്ന് ലേബൽ ചെയ്യണമെന്നും നിർദ്ദേശമുണ്ട്.
അംഗീകൃതമല്ലാത്ത മരുന്ന് സംയുക്തങ്ങൾ കുട്ടികൾക്കിടയിൽ ഉപയോഗിക്കുന്നതിന്മേലുള്ള ആശങ്ക പ്രകടിപ്പിക്കുകയും ഇവ നാല് വയസിന് താഴെയുള്ള കുട്ടികളിൽ ഉപയോഗിക്കരുതെന്നും ഓർഗനൈസേഷൻ വ്യക്തമാക്കിയിട്ടുണ്ട്.
ക്ലോർഫെനിരാമൈൻ(chlorpheniramine), മാലിയേറ്റ്(maleate), ഫിനൈലിഫ്രിൻ(phenylephrine) എന്നിവയാണ് ജലദോഷത്തിനുള്ള സിറപ്പുകളിലും ഗുളികകളിലും ഉപയോഗിക്കുന്ന ഫിക്സഡ് ഡ്രഗ് കോമ്പിനേഷൻ. സ്വയം ചികിത്സ നടത്തി കുട്ടികൾക്ക് ചുമയ്ക്കും ജലദോഷത്തിനുമായി കഫ്സിറപ്പുകൾ നൽകരുതെന്നും ലോകാരോഗ്യസംഘടനയുടെ നിർദ്ദേശമുണ്ട്.
