മഹീന്ദ്ര ഥാർ വാങ്ങാൻ ആഗ്രഹം പ്രകടിപ്പിച്ച കുട്ടിക്ക് മറുപടിയുമായി ആനന്ദ് മഹീന്ദ്ര. നോയിഡ സ്വദേശി ചീക്കുവാണ് ഥാർ വാങ്ങാൻ ആഗ്രഹം പ്രകടിപ്പിച്ച് രംഗത്ത് വന്നത്. സമൂഹമാദ്ധ്യമത്തിൽ വൈറലായ ദൃശ്യങ്ങളാണ് ഇത്. 700 രൂപയ്‌ക്ക് ഥാർ വാങ്ങണമെന്നാണ് ദൃശ്യങ്ങളിൽ ചിക്കു അച്ഛനോട് ആവശ്യപ്പെടുന്നത്. പിതാവ് തന്നെയാണ് തന്റെ മകന്റെ ദൃശ്യങ്ങൾ സമൂഹമാദ്ധ്യമത്തിൽ പങ്കുവച്ചത്. ഈ ദൃശ്യങ്ങൾ ആനന്ദ് മഹീന്ദ്ര വീണ്ടും പങ്കുവെക്കുകയായിരുന്നു.
My friend @soonitara sent me this saying “I love Cheeku!” So I watched some of his posts on Insta (@cheekuthenoidakid) and now I love him too. My only problem is that if we validated his claim & sold the Thar for 700 bucks, we’d be bankrupt pretty soon…😀 pic.twitter.com/j49jbP9PW4
— anand mahindra (@anandmahindra) December 24, 2023
അച്ഛനും മകനും ഇടയിൽ നടക്കുന്ന ഈ സംഭാഷണമാണ് ദൃശ്യത്തിലുള്ളത്‌. 700 രൂപയ്‌ക്ക് ഥാർ വാങ്ങണമെന്നാണ് അച്ഛനോട് മകൻ ചിക്കു ആവശ്യപ്പെടുന്നത്. മഹീന്ദ്രയുടെ XUV 700, ഥാർ എന്നീ വാഹനങ്ങൾ ഒന്നാണെന്നും 700 രൂപയ്‌ക്ക് വാങ്ങാനാകുമെന്നുമാണ് നിഷ്കളങ്കനായ കുട്ടിയുടെ ധാരണ. ഇത് സമൂഹമാദ്ധ്യമത്തിൽ വളരെ വേഗം പ്രചരിക്കുകയായിരുന്നു.
ഞാൻ ചീക്കുവിനെ അതിയായ സ്നേഹിക്കുന്നു എന്ന അടിക്കുറിപ്പോടെയാണ് ആനന്ദ് മഹീന്ദ്ര ദൃശ്യങ്ങൾ പങ്കുവച്ചിരിക്കുന്നത്. ചീക്കുവിന്റെ ഇസ്റ്റഗ്രാമിൽ ചില പോസ്റ്റുകൾ കണ്ടെന്നും വളരെ അധികം സ്നേഹം തോന്നുന്നുവെന്നും ആനന്ദ് മഹീന്ദ്ര പറഞ്ഞു. എന്റെ ഒരേയൊരു പ്രശ്നം അവന്റെ ആവശ്യം സഫലമാക്കിയാൽ ഞങ്ങൾ പാപ്പരായി പോകുമെന്നായിരുന്നുവെന്നും മഹീന്ദ്ര കുറിച്ചു.
