പ്രഭാസ് ചിത്രം സലാർ രാജ്യമൊട്ടാകെ സ്വീകാര്യത ലഭിച്ച് മുന്നേറുകയാണ്. ഹിന്ദിയിലേക്ക് റീമേക്ക് ചെയ്ത ചിത്രം ബോക്സോഫീസിൽ വലിയ കളക്ഷനാണ് നേടുന്നത്. ഇന്ന് 28.91 കോടിയാണ് സലാർ ഹിന്ദിയിൽ നേടിയത്. സലാർ ഹിന്ദിയിൽ മാത്രം 50 കോടി ക്ലബില്‍ എത്തിയിട്ടുണ്ട്.
മൂന്ന് ദിവസം കൊണ്ട് സലാർ ആഗോളതലത്തിൽ 402 കോടിയാണ് കളക്ഷൻ നേടിയിരിക്കുന്നത്. രാജമൗലി ചിത്രം ബാഹുബലിക്ക് ശേഷം കളക്ഷനിൽ സമാനമായ നേട്ടം കൈവരിക്കാൻ സലാറിന് കഴിയുമെന്നാണ് ആരാധകരുടെ പ്രതീക്ഷ.
ചിത്രത്തിന് ആദ്യ ദിനത്തിൽ തന്നെ ആഗോളതലത്തിൽ 175 കോടി കളക്ഷൻ നേടിയിരുന്നു. ഇന്ത്യയിൽ മാത്രം ചിത്രം 95 കോടി രൂപയോളം നേടി. കളക്ഷൻ റെക്കോർഡുകൾ ഭേദിച്ച് മുന്നേറുന്ന ചിത്രത്തിന് പ്രശംസയുമായി നിരവധി താരങ്ങളാണ് രംഗത്തെത്തുന്നത്.
