വിരാട് കോലിയുടെയും നായകന്‍ രോഹിത് ശര്‍മ്മയുടെയും ടി20 ഭാവി ഇന്നറിയാം. അഫ്ഗാനിസ്ഥാനെതിരുയള്ള ടി20 പരമ്പരയ്‌ക്കുള്ള ടീമിനെ ഇന്ന് പ്രഖ്യാപിക്കും. ജൂണില്‍ ആരംഭിക്കുന്ന ടി20 ലോകകപ്പിന്റെ മുന്നൊരുക്കമാണ് അഫ്ഗാന്‍ പരമ്പര. ഇംഗ്ലണ്ടിനെതിരെയുള്ള രണ്ടു ടെസ്റ്റ് മത്സരങ്ങള്‍ക്കുള്ള സ്‌ക്വാഡിനെയും ഇന്ന് പ്രഖ്യാപിക്കും.
ടി20യില്‍ 15 പേരുടെ സ്‌ക്വാഡില്‍ പരിക്കേറ്റ ഹാര്‍ദിക്ക് പാണ്ഡ്യയും ഉണ്ടായേക്കില്ല. പരിക്കില്‍ നിന്ന് മുക്തനാകാത്ത സൂര്യകുമാര്‍ യാദവിനെയും പരിഗണിക്കില്ല. ദക്ഷിണാഫ്രിക്കന്‍ ടെസ്റ്റില്‍ തിളങ്ങിയ സിറാജിനും ബുമ്രയും വിശ്രമം നല്‍കാനും ഇടയുണ്ട്. വിരാടും രോഹിത്തും ഇല്ലെങ്കില്‍ ദേശീയ തലത്തില്‍ ടീമിനെ നയിക്കാന്‍ പുതിയൊരു നായകനെത്തുമെന്നാണ് വിലയിരുത്തപ്പെടുന്നത്.
2022 ടി20 ലോകകപ്പിന് ശേഷം ഇതുവരെയും വിരാടും രോഹിത്തും ഒരു ടി20 പോലും കളിച്ചിട്ടില്ല. അജിത് അഗാര്‍ക്കര്‍ ഇരുവരെയും ദക്ഷിണാഫ്രിക്കയിലെത്തി കണ്ടിരുന്നു. ടി20 ലോകകപ്പിന് ഇരുവരും കാണുമെന്നാണ് നിലവില്‍ ലഭിക്കുന്ന വിവരം.
