ചേർന്നിട്ട് ഒരാഴ്ച മാത്രം, വൈഎസ്ആർ കോൺഗ്രസിൽ നിന്നും രാജി വെയ്‌ക്കാൻ അംബാട്ടി റായിഡു; രാഷ്‌ട്രീയത്തിൽ നിന്ന് ഇടവേള എടുക്കുന്നുവെന്നും മുൻ ഇന്ത്യൻ താരം

മുൻ ഇന്ത്യൻ താരം അംബാട്ടി റായിഡു വൈ എസ് ആർ കോൺഗ്രസ് വിട്ടു. പാർട്ടിയിൽ അംഗത്വമെടുത്ത് ഒരാഴ്ച പിന്നിടുമ്പോഴാണ് നിർണായക തീരുമാനം. സമൂഹമാദ്ധ്യമമായ എക്‌സിലൂടെയാണ് വൈഎസ്ആർ കോൺഗ്രസ് വിടുന്ന കാര്യം മുൻ താരം അറിയിച്ചത്. ആന്ധ്ര മുഖ്യമന്ത്രി ജഗൻമോഹൻ റെഡ്ഡിയിൽ നിന്ന് കഴിഞ്ഞ ഡിസംബർ 28നാണ് റായിഡു അംഗത്വം സ്വീകരിച്ചത്.

വൈഎസ്ആർ കോൺഗ്രസിൽ നിന്ന് രാജിവയ്‌ക്കാനും രാഷ്‌ട്രീയത്തിൽ നിന്ന് കുറച്ച് നാൾ വിട്ടുനിൽക്കാനും ഞാൻ തീരുമാനിച്ചു. തുടർനടപടികൾ സമയബന്ധിതമായി അറിയിക്കും.- റായിഡു എക്‌സിൽ കുറിച്ചു.

This is to inform everyone that I have decided to quit the YSRCP Party and stay out of politics for a little while. Further action will be conveyed in due course of time.

Thank You.

— ATR (@RayuduAmbati) January 6, 2024

“>

2023ൽ ഐപിഎല്ലിൽ ചെന്നൈ സൂപ്പർ കിംഗ്‌സിനൊപ്പമുള്ള കിരീട നേട്ടത്തിന് ശേഷമാണ് 37കാരൻ സജീവ ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചത്. അന്താരാഷ്‌ട്രക്രിക്കറ്റിൽ നിന്ന് 2019-ൽ വിരമിച്ചിരുന്നു. ഇന്ത്യക്കായി 55 ഏകദിനങ്ങളിൽ നിന്ന് 47.06 ശരാശരിയിൽ 1694 റൺസ് റായിഡു നേടിയിട്ടുണ്ട്.