ലക്‌നൗ: കാലാവസ്ഥാ പ്രവചനങ്ങൾക്കായി പുതിയ വെബ് പേജിന് തുടക്കം കുറിച്ച് ഇന്ത്യൻ മെട്രോളജിക്കൽ വകുപ്പ്. പ്രാണ പ്രതിഷ്ഠാ ചടങ്ങിന് ഏതാനും ദിവസങ്ങൾ ബാക്കി നിൽക്കുമ്പോൾ അയോദ്ധ്യയിലേയും സമീപപ്രദേശങ്ങളിലെയും കാലാവസ്ഥയുമായി ബന്ധപ്പെട്ട വിവരങ്ങൾ നൽകുന്നതിനായാണ് കാലാവസ്ഥാ വകുപ്പ് പുതിയ വെബ് പേജിന് തുടക്കം കുറിച്ചിരിക്കുന്നത്.
അയോദ്ധ്യ, പ്രയാഗ്‌രാജ്, വാരാണസി, ലക്‌നൗ തുടങ്ങിയ പ്രദേശങ്ങളിലെ കാലാവസ്ഥാ പ്രവചനങ്ങൾ കൃത്യമായി അറിയാൻ സാധിക്കുന്ന വെബ് പേജാണിത്. ഹിന്ദി, ഇംഗ്ലീഷ്, ഉറുദു, ചൈനീസ്, സ്പാനിഷ്, ഫ്രഞ്ച് എന്നീ ഭാഷകളിൽ വെബ് പേജ് ഉപയോഗിക്കാൻ കഴിയും. മഴ, കാറ്റ്, വെയിൽ തുടങ്ങിയ എല്ലാ തരത്തിലുള്ള കാലാവസ്ഥ പ്രവചനങ്ങളും ഉപയോക്താക്കൾക്ക് ഇതിൽ ലഭ്യമാകുമെന്ന് കാലാവസ്ഥാ വകുപ്പ് അറിയിച്ചു.
