മലയാളികളുടെ പ്രിയപ്പെട്ട താരജോഡികളാണ് പേളി മണിയും ശ്രീനിഷ് അരവിന്ദും. സോഷ്യൽ മീഡിയയിൽ വളരെ സജീവമാണ് ഇരുവരും. പേളിയുടെ യൂട്യൂബ് ചാനലിലൂടെ പങ്കുവെക്കുന്ന വീഡിയോകൾക്കും ആരാധകരേറെയാണ്. കഴിഞ്ഞ ദിവസമായിരുന്നു ഇരുവർക്കും രണ്ടാമത്തെ കുഞ്ഞ് ജനിച്ചത്. സമൂഹ മാദ്ധ്യമങ്ങളിൽ കുഞ്ഞിനൊപ്പമുള്ള ചിത്രം പേളി പങ്കുവച്ചിരുന്നു.
ഇപ്പോഴിതാ മൂത്തമകൾ നിലക്കൊപ്പമുള്ള കുഞ്ഞിന്റെ ചിത്രം പങ്കുവച്ചിരിക്കുകയാണ്. സമൂഹമാദ്ധ്യമമായ ഇൻസ്റ്റഗ്രാമിലൂടെ പേളി തന്നെയാണ് തന്റെ ചിത്രം പുറത്തുവിട്ടത്. ‘കുഞ്ഞ് വയറിനുള്ളിൽ ആയിരിക്കുമ്പോൾ അത് ലവ് അറ്റ് ഫസ്റ്റ് കിക്കായിരുന്നു. ഒടുവിൽ സ്‌നേഹം കൈമാറാൻ രണ്ട് സഹോദരിമാർ കണ്ടുമുട്ടി. നില അവളുടെ കുഞ്ഞനുജത്തിയെ ആദ്യമായി കണ്ടപ്പോൾ..’ എന്നായിരുന്നു ചിത്രം പങ്കുവച്ച് പേളി കുറിച്ചത്.
View this post on Instagram
മലയാളികളുടെ പ്രിയപ്പെട്ട താരകുടുംബത്തിലെ വിശേഷങ്ങളും ചിത്രങ്ങളും എപ്പോഴും സമൂഹമാദ്ധ്യമ ലോകത്ത് ജനശ്രദ്ധ നേടാറുണ്ട്. ഇവരുടെ മൂത്ത മകൾ നിലയുടെ ജനന ശേഷം കുഞ്ഞിന്റെ വിശേഷങ്ങളായിരുന്നു സമൂഹമാദ്ധ്യമങ്ങളിൽ പേളി കൂടുതലും പങ്കുവച്ചിരുന്നത്.
