അയോദ്ധ്യ പ്രാണപ്രതിഷ്ഠ ദിനത്തിൽ സന്തോഷം പ്രകടിപ്പിച്ച് ഇന്ത്യൻ വംശജനായ ദക്ഷിണാഫ്രിക്കൻ ക്രിക്കറ്റർ കേശവ് മഹാരാജ്. ഇത് സംബന്ധിച്ച് താരം സമൂഹമാദ്ധ്യമത്തിൽ വീഡിയോ പങ്കുവെച്ചിരുന്നു. നാളെ നടക്കുന്ന പ്രാണപ്രതിഷ്ഠാ ചടങ്ങിലേക്ക് രാജ്യത്തുടനീളമുള്ള നിരവധി പ്രമുഖരെയാണ് ക്ഷണിച്ചിരിക്കുന്നത്.
‘അയോദ്ധ്യയിൽ നാളെ നടക്കുന്ന രാമക്ഷേത്ര പ്രാണപ്രതിഷ്ഠയ്ക്ക് ഏവർക്കും ആശംസകൾ. എല്ലാവരുടെയും സമാധാനത്തിനും ഐക്യത്തിനും വേണ്ടി പ്രാർത്ഥിക്കുന്നു. ജയ് ശ്രീറാം’ കേശവ് മഹാരാജ് പറഞ്ഞു.
ഇതിന് മുൻപും കേശവ് മഹാരാജ് തന്റെ വിശ്വാസം തുറന്നുപറഞ്ഞിട്ടുണ്ട്. കളിക്കളത്തിൽ ഇറങ്ങുന്ന താരത്തിന്റെ ബാറ്റിൽ ഓം ആലേഖനം ചെയ്തിരുന്നത് അടക്കം വലിയ ശ്രദ്ധ നേടിയിരുന്നു. ഇതിന് പിന്നാലെയാണ് രാമക്ഷേത്രത്തിനായി പ്രാർത്ഥിക്കണമെന്നുള്ള അദ്ദേഹത്തിന്റെ ആഹ്വാനം.
— 💥 (@Johnsmaink) January 21, 2024