ന്യൂഡൽഹി : ഭാരതീയർ ഏറെ കാലമായി കാത്തിരുന്ന സ്വപ്നമാണ് ഇന്ന് സഫലമായത് . രാജ്യമെങ്ങും അയോദ്ധ്യ പ്രാണപ്രതിഷ്ഠയുടെ സന്തോഷത്തിലാണ് .
അതിനിടെ യുപിയിലെ ഫിറോസാബാദിൽ മുസ്ലീം യുവതിയായ ഫർസാന ഇന്ന് പ്രാണപ്രതിഷ്ഠാ മുഹൂർത്തത്തിൽ തനിക്ക് പിറന്ന ആൺകുഞ്ഞിന് മകന് റാം റഹീം എന്ന് പേര് നൽകിയിരിക്കുകയാണ് . ‘ ഇന്ന് രാം ലല്ല അയോധ്യയിൽ എത്തിയിരിക്കുകയാണ്, അതിനാൽ ഞങ്ങൾ ഞങ്ങളുടെ കുട്ടിക്ക് റാം റഹീം എന്ന് പേരിട്ടു. ‘ – കുഞ്ഞിന്റെ മുത്തശ്ശി ഹുസ്ൻ ബാനോ പറഞ്ഞു
ജനുവരി 22 വളരെ മഹത്തായ ദിവസമാണ്. രാമൻ അയോദ്ധ്യയിലേക്ക് വന്ന ദിവസം , ഇത് എല്ലാവരും ആഘോഷിക്കുന്നു. എന്റെ മരുമകൾ ഇപ്പോൾ ഒരു മകനെ പ്രസവിച്ചു. ഈ ദിവസം മനസ്സിൽ വെച്ചാണ് ഞങ്ങളുടെ മകന് റാം റഹീം എന്ന് പേരിട്ടത്. അമ്മയും കുഞ്ഞും ആരോഗ്യവാന്മാരാണ് – ഹുസ്ൻ ബാനോ പറയുന്നു.
ജനുവരി 22ന് ഫിറോസാബാദ് മെഡിക്കൽ കോളേജിൽ ഇതുവരെ 12 കുട്ടികൾ പിറന്നു. ഈ ദിവസം ജനിക്കുന്ന എല്ലാ കുട്ടികൾക്കും മെഡിക്കൽ കോളേജിൽ നിന്ന് പുതിയ വസ്ത്രങ്ങൾ സമ്മാനമായി നൽകുമെന്ന് ചീഫ് മെഡിക്കൽ സൂപ്രണ്ട് ഡോ.നവീൻ ജെയിൻ പറഞ്ഞു.
