ഇടുക്കി: യുവാവിനെ കുത്തേറ്റ് മരിച്ച നിലയിൽ കണ്ടെത്തി. അശോകവനം സ്വദേശി
പ്രവീൺ (37) ആണ് മരിച്ചത്. ഇടുക്കി നെടുങ്കണ്ടത്ത് കാരിത്തോട്ടിലാണ് സംഭവം. രാവിലെ ആറ് മണിക്കാണ് സംഭവം നടന്നത്.
വീട്ടുമുറ്റത്ത് കുത്തേറ്റ് മരിച്ച നിലയിൽ കിടക്കുന്ന പ്രവീണിനെ പിതാവ് ഔസേപ്പച്ചനാണ് ആദ്യം കണ്ടത്. കഴുത്തിനും വയറിലുമാണ് കുത്തേറ്റത്. വയറിൽ നാലോളം കുത്തേറ്റ പാടുകളുണ്ട്. പോലീസ് സ്ഥലത്തെത്തി ഇൻക്വിസ്റ്റ് നടപടികൾ ആരംഭിച്ചു. കൊലപാതകം എന്നാണ് പോലീസിന്റെ പ്രാഥമിക നിഗമനം. മൃതദേഹം നെടുങ്കണ്ടം താലൂക്ക് ആശുപത്രിയിലേക്ക് മാറ്റിയിട്ടുണ്ട്.
