പ്രാണപ്രതിഷ്ഠയ്‌ക്ക് ശേഷം ബാലകരാമനെ കാണാൻ യോ​ഗി ആദിത്യനാഥ് അയോദ്ധ്യയിൽ

ലക്നൗ: അയോദ്ധ്യാ പ്രാണപ്രതിഷ്ഠയ്‌ക്ക് ശേഷം രാമക്ഷേത്രത്തിൽ ദർശനം നടത്തി ഉത്തർപ്രദേശ് മുഖ്യമന്ത്രി യോ​ഗി ആദിത്യനാഥ്. ശ്രീരാമക്ഷേത്ര തീർത്ഥ ട്രസ്റ്റ് ജനറൽ സെക്രട്ടറി ചമ്പത്ത് റായിക്കൊപ്പമാണ് യോ​ഗി ആദിത്യനാഥ് ക്ഷേത്രത്തിലെത്തിയത്. ക്ഷേത്ര പുരോഹിതനിൽ നിന്നും പ്രസാദം സ്വീകരിച്ച ശേഷം മുഖ്യമന്ത്രി രാംലല്ലയെ തൊഴുതു വണങ്ങി.

#WATCH | Uttar Pradesh CM Yogi Adityanath visited and offered prayers at the Ram Temple in Ayodhya pic.twitter.com/YTnLv5szD1

— ANI UP/Uttarakhand (@ANINewsUP) January 29, 2024

പ്രാണപ്രതിഷ്ഠയ്‌ക്ക് ശേഷം കഴിഞ്ഞ ദിവസം ​ഗൊരഖ്പൂർ ക്ഷേത്രത്തിലെത്തിയ യോ​ഗി ആദിത്യനാഥിന് ഉജ്ജ്വല സ്വീകരണമാണ് ജനങ്ങൾ നൽകിയത്. യുവാക്കളും സ്ത്രീകളും കുട്ടികളുമടക്കം നിരവധി പേർ അദ്ദേഹത്തെ വരവേൽക്കാനായി ന​ഗരവീഥികളിൽ തടിച്ചുകൂടിയിരുന്നു. വിമാനത്താവളത്തിൽ നിന്ന് ​ഗൊരഖ്നാഥ് ക്ഷേത്രത്തിലേക്കുള്ള യാത്രയിലുടനീളം ജനങ്ങൾ മുഖ്യമന്ത്രിയെ പുഷ്പവൃഷ്ടി നടത്തി ആനയിച്ചു.

രാമക്ഷേത്രത്തിന്റെ പ്രാണപ്രതിഷ്ഠ കഴിഞ്ഞ് ഒരാഴ്ച പിന്നിടുമ്പോഴും ക്ഷേത്രത്തിലെത്തുന്ന ഭക്തരുടെ തിരക്ക് ദിനംപ്രതി വർദ്ധിക്കുകയാണ്. ഇന്ന് പുലർച്ചെ വരെ 19 ലക്ഷം പേരാണ് ദർശനം നടത്തിയത്. സുരക്ഷ ഉറപ്പുവരുത്തുന്നതിന്റെ ഭാ​ഗമായി എല്ലാ നടപടികളും സ്വീകരിച്ചിട്ടുണ്ടെന്ന് ക്ഷേത്ര ട്രസ്റ്റ് അറിയിച്ചു.