തിരുവനന്തപുരം: പോലീസ് ഉദ്യോഗസ്ഥനെ വീട്ടുമുറ്റത്തെ കിണറ്റിൽ മരിച്ച നിലയിൽ കണ്ടെത്തി. തിരുവനന്തപുരം സബ് ജയിൽ സൂപ്രണ്ട് എസ്. സുരേന്ദ്രനെയാണ്(55) മരിച്ച നിലയിൽ കണ്ടെത്തിയത്. ഇന്ന് രാവിലെയാണ് സംഭവം. കാൽവഴുതി കിണറ്റിൽ വീണതാണെന്ന് ബന്ധുക്കൾ പറഞ്ഞു.
വെങ്ങാനൂർ വെണ്ണിയൂർ സ്വദേശിയാണ് സുരേന്ദ്രൻ. വിഴിഞ്ഞം ഫയർ ആൻഡ് റെസ്‌ക്യൂ സംഘമെത്തിയാണ് മൃതദേഹം പുറത്തെത്തിച്ചത്. തുടർന്ന് മൃതദേഹം ആശുപത്രിയിലേക്ക് മാറ്റി. സംഭവത്തിൽ അന്വേഷണമുണ്ടാകുമെന്ന് പോലീസ് അറിയിച്ചു.
