തൃശ്ശൂർ: കയ്പമംഗലത്ത് കടലാമയുടെ ജഡം കരയ്ക്കടിഞ്ഞു. കൂരിക്കുഴി കമ്പനിക്കടവ് ബീച്ചിലാണ് ജഡം കരക്കടിഞ്ഞത്. ഇന്ന് രാവിലെയോടെയായിരുന്നു സംഭവം. മത്സ്യബന്ധനത്തിന് എത്തിയ തൊഴിലാളികളാണ് കടലാമയുടെ ജഡം കണ്ടെത്തിയത്. കമ്പനിക്കടവിന് ഇരുന്നൂറ് മീറ്ററോളം വടക്ക് ഭാഗത്താണ് ജഡം കരക്കടിഞ്ഞ നിലയിൽ കണ്ടെത്തിയത്. മുട്ടയിടാൻ പ്രായമായതാണ് കടലാമ. ബോട്ടിന്റെയോ മറ്റോ യന്ത്രഭാഗങ്ങൾ തട്ടി പരിക്കേറ്റ് ചത്ത ശേഷം കരക്കടിഞ്ഞതാകാം എന്നാണ് നിഗമനം. കടപ്പുറത്തെ കാക്കകൾ കൊത്തി വലിച്ച നിലയിലായിരുന്നു ജഡം.
