കോഴിക്കോട്: കളക്ടർ സ്‌നേഹിൽകുമാർ സിംഗിന് കമ്മ്യൂണിസ്റ്റ് ഭീകരരുടെ ഭീഷണിക്കത്ത്. ഇന്നലെയാണ് കളക്ടറേറ്റിൽ കത്ത് ലഭിച്ചത്. അഴിമതി കേസിൽ ഈ വർഷം ഒരാളും ശിക്ഷിക്കപ്പെടരുതെന്ന് കത്തിൽ പറയുന്നു. കളക്ടറുടെ പരാതിയിന്മേൽ കത്ത് ജില്ലാ പോലീസ് മേധാവിക്ക് കൈമാറി. വിഷയത്തിൽ കൂടുതൽ പ്രതികരണങ്ങൾ നടത്താൻ സർക്കാർ വൃത്തങ്ങൾ തയ്യാറായിട്ടില്ല.
കഴിഞ്ഞ നവംബറിൽ ആറളത്ത് കമ്യൂണിസ്റ്റ് ഭീകരരും തണ്ടർബോൾട്ട് സംഘവും ഏറ്റുമുട്ടിയിരുന്നു. ഏറ്റുമുട്ടലിൽ തങ്ങളുടെ സഹപ്രവർത്തക കവിത( ലക്ഷ്മി) രക്തസാക്ഷിയായെന്നും ഇതിന് പകരംവീട്ടുമെന്നും പ്രഖ്യാപിച്ച് ഏറ്റുമുട്ടൽ നടന്നതിന്റെ 45ാം ദിവസം കമ്യൂണിസ്റ്റ് ഭീകരർ ആറളത്ത് പോസ്റ്ററുകൾ പതിപ്പിച്ചിരുന്നു. പിന്നാലെ ആറളത്ത് കനത്ത ജാഗ്രതയാണ് പോലീസും വനംവകുപ്പും പുലർത്തുന്നത്.
