ലക്‌നൗ: കടലാമകളെ കടത്താൻ ശ്രമിച്ചവരെ പിടികൂടി ഡയറക്ടറേറ്റ് റെവന്യൂ ഇന്റലിജൻസ്. 18 മണിക്കൂർ നീണ്ട പരിശ്രമത്തിനൊടുവിൽ 679 കടലാമകളെയാണ് ഡിആർഐ രക്ഷപ്പെടുത്തിയത്. ഇന്ത്യൻ ടെന്റ് ടർട്ടിൽ, ഇന്ത്യൻ റൂഫ്ഡ് ടർട്ടിൽ, ബ്രൗൺ റൂഫ്ഡ് ടർട്ടിൽ എന്നീ വ്യത്യസ്ത വിഭാഗങ്ങളിൽപ്പെടുന്ന ആമകളുടെ ഇനത്തെ ഉദ്യോഗസ്ഥർ സുരക്ഷിതമായ ഇടങ്ങളിൽ അതിവസിപ്പിച്ചു.
ഡിആർഐക്ക് ലഭിച്ച രഹസ്യ വിവരത്തെ തുടർന്ന് നടത്തിയ രണ്ട് ഓപ്പറേഷനുകളിൽ നിന്നാണ് കടത്താൻ ശ്രമിച്ച ആമകളെ കണ്ടെത്തിയത്. പ്രതികളെയും കടത്താൻ ഉപയോഗിച്ച വാഹനങ്ങളും വനംവകുപ്പിന് കൈമാറിയതായി അധികൃതർ അറിയിച്ചു. പിടിച്ചെടുത്ത ആമകളെ സുരക്ഷിത സ്ഥലങ്ങളിൽ തുറന്നു വിട്ടതായും പ്രതികൾക്കെതിരെ വന്യജീവി (സംരക്ഷണം) നിയമപ്രകാരം കേസെടുത്തതായും വനംവകുപ്പ് ഉദ്യോഗസ്ഥർ അറിയിച്ചു.
