തിരുവനന്തപുരം: കേരളത്തിൽനിന്ന് അയോദ്ധ്യയിലേക്കുള്ള ആദ്യ ട്രെയിൻ നാളെ പുറപ്പെടും. ആസ്താ സ്‌പെഷ്യൽ ട്രെയിൻ നാളെ രാവിലെയാണ് കൊച്ചുവേളി സ്റ്റേഷനിൽ നിന്ന് പുറപ്പെടുക. 2970 രൂപയാണ് ടിക്കറ്റ് നിരക്ക്. നാളെ കോട്ടയത്ത് ട്രെയിനെത്തുമ്പോൾ ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ യാത്രക്കാരുമായി സംസാരിക്കും. കേരളത്തിൽ നിന്ന് 24 ആസ്താ സ്‌പെഷ്യൽ ട്രെയിനുകളാണ് അയോദ്ധ്യയിലേക്ക് സർവ്വീസ് നടത്തുക.
നാഗർകോവിൽ, തിരുവനന്തപുരം, പാലക്കാട് എന്നിവിടങ്ങളിൽ നിന്നാണ് ആസ്താ ട്രെയിനുകൾ സർവ്വീസ് നടത്തുക. പാലക്കാട് നിന്ന് ജനുവരി 30ന് ആദ്യ സർവ്വീസ് ആരംഭിക്കുമെന്നാണ് അറിയിച്ചിരുന്നതെങ്കിലും അത് പിന്നീട് റദ്ദാക്കിയിരുന്നു.
