ഹൈദരാബാദ്: ഐസിയുവിൽ പ്രവേശിപ്പിച്ച രോഗിയെ എലി കടിച്ചതായി പരാതി. തെലങ്കാനയിലെ കാമറെഡ്ഡി ജില്ലയിലെ സർക്കാർ ആശുപത്രിയിലാണ് ഞെട്ടിക്കുന്ന സംഭവം.
കഴിഞ്ഞ ഒരാഴ്ചയായി ഐസിയുവിൽ തുടരുന്ന ഷെയ്ഖ് മുജീബ് എന്നയാളുടെ കാലുകളിലും കൈകളിലുമാണ് എലി കടിച്ചത്. പിന്നാലെ ഇയാളുടെ നില ഗുരുതരമായതായാണ് വിവരം. ആശുപത്രിയുടെ ഭാഗത്ത് നിന്നുണ്ടായ ഗുരുതര വീഴ്ചയാണിതെന്ന് കുടുംബം ആരോപിച്ചു. സംഭവത്തിൽ അന്വേഷണം ആരംഭിച്ചതായി ആശുപത്രി വൃത്തങ്ങൾ അറിയിച്ചു.
