ചുരുങ്ങിയ സമയത്തിനുള്ളിൽ തമിഴ്- മലയാളി പ്രേക്ഷകർക്കിടയിൽ നിരവധി ആരാധകരെ സൃഷ്ടിച്ച തമിഴ് നടനാണ് അർജുൻ ദാസ്. താരം മലയാളത്തിലും നായകനായെത്തുന്നു എന്ന വാർത്തയാണ് ഇപ്പോൾ പുറത്ത് വരുന്നത്. ജൂൺ, മധുരം തുടങ്ങിയ ചിത്രങ്ങളും ‘കേരള ക്രൈം ഫയൽസ്’ എന്ന വെബ് സീരീസിനും ശേഷം അഹമ്മദ് കബീർ സംവിധാനം ചെയ്യുന്ന പുതിയ ചിത്രത്തിലാണ് അർജുൻ ദാസ് നായകനായെത്തുന്നത്.
ഹൃദയം’ എന്ന ചിത്രത്തിലെ ഗാനങ്ങളിലൂടെ പ്രേക്ഷക ശ്രദ്ധ നേടിയ ഹിഷാം അബ്ദുല്‍ വഹാബാണ് സംഗീതം പകരുന്നത്. ചിത്രത്തിലെ മറ്റ് താരങ്ങളെയോ അണിയറ പ്രവർത്തകരെയോ കുറിച്ചുള്ള വിവരങ്ങളൊന്നും തന്നെ അണിയറപ്രവർത്തകർ ഇതുവരെയും പുറത്ത് വിട്ടിട്ടില്ല.
പ്രണയ പശ്ചാത്തലത്തിൽ ഒരുങ്ങുന്ന ചിത്രം ഒരു എന്റർടൈനർ ആയിരിക്കും. ചിത്രത്തെ കുറിച്ചുള്ള കൂടുതൽ വിവരങ്ങൾ പിന്നീട് പുറത്ത് വിടുമെന്നും, സിനിമയുടെ ചിത്രീകരണം ഈ വർഷം ആരംഭിക്കുമെന്നും സംവിധായകൻ അറിയിച്ചു.
