സോഷ്യൽ മീഡിയയിൽ സെലിബ്രറ്റികളുടെ ഫാഷൻ പിന്തുടരുന്നവരുടെ കണ്ണിലുടക്കി ട്രെൻഡിംഗ് ലിസ്റ്റിൽ ഇടംപിടിച്ച ഒന്നാണ് ബോളിവുഡ് നടി കരീന കപൂറിന്റെ ബാഗ്. കാണാൻ ഇത്തിരി കുഞ്ഞനാണെങ്കിലും ഇതിന്റെ വില ചില്ലറയല്ലെന്നതാണ് കാര്യം. ഫോൺ പോലും കഷ്ടിച്ച് സൂക്ഷിക്കാൻ കഴിയുന്ന കറുത്ത ഹാൻഡ് ബാഗിന് 3.32 ലക്ഷം രൂപയാണ് വിലയെന്ന് സിനിമ മാദ്ധ്യമങ്ങൾ റിപ്പോർട്ട് ചെയ്യുന്നു. താരം മുംബൈയിലെത്തിയപ്പോഴാണ് കൈയിലെ ബാഗ് സ്റ്റാറായത്.
ഭർത്താവ് സെയ്ഫ് അലി ഖാനൊപ്പം മുംബൈയിലെ വസതിയിൽ തിരിച്ചെത്തിയപ്പോഴാണ് പാപ്പരാസികൾ ചിത്രം പകർത്തിയത്. ബോഗി ബാഗാണ് എല്ലാവരുടെയും ശ്രദ്ധ പിടിച്ചുപറ്റിയത്. പ്രമുഖ ബ്രാൻഡായ മൈസൺ മർഗീലയുടെ ബാഗാണ് വെറ്ററൻ താരം ഉപയോഗിച്ചതെന്നാണ് സോഷ്യൽ മീഡിയ പറയുന്നത്.
