മുഹമ്മദലി ജിന്ന പാകിസ്താന്റെ ക്വയ്ദ്-ഇ-ആസാം എന്നാണ് അറിയപ്പെടുന്നത്. വിഭജനത്തിന് മുമ്പ് ജിന്ന ഇന്ത്യയിലെ കോൺഗ്രസ് നേതാവായിരുന്നു. വിഭജനത്തിന് ശേഷം പാകിസ്താന്റെ ആദ്യത്തെ പ്രസിഡൻ്റായി. ജിന്ന ശാഠ്യം പിടിച്ചില്ലായിരുന്നെങ്കിൽ ഇന്ത്യ ഒരിക്കലും വിഭജിക്കുമായിരുന്നില്ല എന്നാണ് പറയപ്പെടുന്നത്. രാഷ്‌ട്രീയത്തിനപ്പുറം ജിന്നയുടെ ജീവിതവുമായി ബന്ധപ്പെട്ട രസകരമായ കഥകളുണ്ട്.
ജിന്നയുടെ ആദ്യ വിവാഹം തന്റെ ബന്ധുവായ ആമി ബായിയെ ആയിരുന്നു. എന്നാൽ വിവാഹം കഴിഞ്ഞ് ഒരു വർഷത്തിന് ശേഷം ആമി ബായി മരിച്ചു. ഏകദേശം 25 വർഷത്തോളം ജിന്ന തനിച്ചായിരുന്നു. എന്നാൽ 1914-15 കാലഘട്ടത്തിൽ ജിന്ന 16 വയസ്സുള്ള ഒരു പാഴ്സി പെൺകുട്ടിയുമായി പ്രണയത്തിലായി.
രത്തൻബായി എന്ന പതിനാറുകാരിയായ പെൺകുട്ടി 1918-ന്റെ തുടക്കത്തിൽ പിതാവിന്റെ ഇഷ്ടത്തിനു വിരുദ്ധമായി ജിന്നയെ വിവാഹം കഴിച്ചു. 42 കാരനായ ജിന്നയിൽ ഒരു ഉത്തമ കാമുകനെയാണ് ആ പെൺകുട്ടി കണ്ടത് . ജിന്നയ്‌ക്ക് ആ പെ|ൺകുട്ടിയുടെ പിതാവിന്റെ പ്രായമുണ്ടായിരുന്നു . മാത്രമല്ല, മറ്റൊരു മതത്തിൽ നിന്നുള്ളയാളുമായിരുന്നു. തന്റെ സുഹൃത്ത് ജിന്ന തന്റെ മകളോട് വിവാഹാഭ്യർത്ഥന നടത്തിയപ്പോൾ സർ ഡിൻഷോ പെറ്റിറ്റ് (രത്തൻബായിയുടെ അച്ഛൻ) സ്വാഭാവികമായും ദേഷ്യപ്പെട്ടു.
വിവാഹം കഴിഞ്ഞ് ഒരു വർഷത്തിനുള്ളിൽ ജിന്ന 1919-ൽ മുസ്ലീം ലീഗിന്റെ പ്രസിഡൻ്റായി. മുസ്ലീം ലീഗിന്റെ പൊതുയോഗങ്ങളിൽ രത്തൻബായി രാഷ്‌ട്രീയ നേതാവുമായി വേദി പങ്കിടുമായിരുന്നു . രത്തൻബായിയുടെ പാശ്ചാത്യ വസ്ത്രങ്ങൾ പലപ്പോഴും ഇത്തരം ഒത്തുചേരലുകളിൽ വിവാദങ്ങൾ സൃഷ്ടിച്ചിരുന്നു. 1924-ൽ ബോംബെയിലെ ഗ്ലോബ് സിനിമയിൽ മുസ്ലിം ലീഗിന്റെ വാർഷിക സമ്മേളനത്തിൽ സമാനമായ ഒരു സംഭവം ഉണ്ടായി. ആ സ്ത്രീ ആരാണെന്ന് സംഘാടകരോട് ചിലർ ചോദിച്ചതായി സാദ് എസ് ഖാനും സാറ എസ് ഖാനും അവരുടെ ‘റൂട്ടി ജിന്ന: ദി വുമൺ ഹു സ്റ്റോഡ് ഡിഫിയൻ്റ്’ എന്ന പുസ്തകത്തിൽ എഴുതിയിട്ടുണ്ട്.
ജിന്നയുടെ പൊളിറ്റിക്കൽ സെക്രട്ടറി എം.സി.ചഗ്ലക്ക് എതിർത്തവരോട് പറയേണ്ടി വന്നത് താൻ മുസ്ലീം ലീഗ് പ്രസിഡൻ്റിന്റെ ഭാര്യയാണെന്ന്. ഹിന്ദുക്കളും മുസ്ലീങ്ങളും ജിന്നയെ അവഗണിക്കാൻ തുടങ്ങിയ ഒരു കാലം രാഷ്‌ട്രീയത്തിൽ വന്നു. അത് അദ്ദേഹത്തിന്റെ ദാമ്പത്യ ജീവിതത്തെയും ബാധിച്ചു. രത്തൻബായിയും ജിന്നയും വിവാഹത്തിന് ഏതാനും വർഷങ്ങൾക്ക് ശേഷം വേർപിരിഞ്ഞു. 1929-ൽ 29-ആം വയസ്സിൽ രത്തൻഭായ് ജിന്ന മരിച്ചു
അമ്മ രത്തൻഭായി മരിക്കുമ്പോൾ ദിനയ്‌ക്ക് വെറും ഒമ്പത് വയസ്സായിരുന്നു. അവളെ വളർത്താൻ സഹായിക്കുന്നതിനായി, ജിന്ന തന്റെ സഹോദരി ഫാത്തിമയെ വിളിക്കുകയും മൂന്നുപേരും താൽക്കാലികമായി ലണ്ടനിലേക്ക് മാറുകയും ചെയ്തു.
