ഇടുക്കി: പ്ലസ് ടു വിദ്യാർത്ഥിനിയെ തൂങ്ങിമരിച്ച നിലയിൽ കണ്ടെത്തി. ഇടുക്കിയിലെ നെടുംങ്കണ്ടത്താണ് പ്ലസ് ടു വിദ്യാർത്ഥിനിയെ തൂങ്ങിമരിച്ച നിലയിൽ കണ്ടെത്തിയത്. ചില്ലുപാറ സ്വദേശിനി അശ്വതിയെയാണ് വീടിനുള്ളിൽ മരിച്ച നിലയിൽ കണ്ടെത്തിയത്. പെൺകുട്ടിയുടെ മാതാപിതാക്കൾ ജോലിക്ക് പോയ സമയത്തായിരുന്നു സംഭവം.
വീട്ടിൽ ഒറ്റയ്‌ക്കായിരുന്ന അശ്വതിയെ മാതാപിതാക്കൾ നിരവധി തവണ ഫോൺ വിളിച്ചിട്ടും എടുത്തിരുന്നില്ല. തുടർന്ന് നടത്തിയ തിരച്ചിലിലാണ് വീടിനുള്ളിൽ മൃതദേഹം കണ്ടെത്തിയത്. നെടുങ്കണ്ടത്തെ സ്വകാര്യ കോളേജിലെ പ്ലസ് ടു വിദ്യാർത്ഥിനിയാണ് അശ്വതി. പോലീസ് സ്ഥലത്തെത്തി പ്രാഥമിക അന്വേഷണം നടത്തി.
