ന്യൂഡൽഹി: 2024ലെ ലോക്സഭാ തിരഞ്ഞെടുപ്പ് തീയതി സംബന്ധിച്ച് വാട്‌സ്ആപ്പിൽ വ്യാജ സന്ദേശം പ്രചരിക്കുന്നുണ്ടെന്ന് തിരഞ്ഞെടുപ്പ് കമ്മീഷൻ. ഔദ്യോഗിക എക്‌സ് അക്കൗണ്ടിൽ വ്യാജ സന്ദേശത്തിന്റെ സ്‌ക്രീൻ ഷോട്ടും കമ്മീഷൻ പങ്കുവെച്ചിട്ടുണ്ട്.
തിരഞ്ഞെടുപ്പ് കമ്മീഷൻ തീയതി പ്രഖ്യാപിച്ചിട്ടില്ലെന്നും, തീയതി പ്രഖ്യാപിക്കുന്നത് വാർത്താ സമ്മേളനത്തിലൂടെയാണെന്നും എക്‌സ് സന്ദേശത്തിലൂടെ കമ്മീഷൻ വ്യക്തമാക്കി.
വിവിധ സംസ്ഥാനങ്ങളിലെ തിരഞ്ഞെടുപ്പ് തയ്യാറെടുപ്പുകൾ വിലയിരുത്തുന്ന ഘട്ടത്തിലാണ് നിലവിൽ കമ്മീഷൻ. മാർച്ച് 13 നകം ഇത് പൂർത്തിയാക്കും. മൂന്ന് വർഷം പൂർത്തിയാക്കിയ ഉദ്യോഗസ്ഥരെയും സ്വന്തം ജില്ലയിൽ ജോലി ചെയ്യുന്ന ഉദ്യോഗസ്ഥരേയും സ്ഥലം മാറ്റാൻ സംസ്ഥാന സർക്കാരുകൾക്ക് നിർദ്ദേശം നൽകിയതായി തിരഞ്ഞെടുപ്പ് കമ്മീഷൻ അറിയിച്ചു. തിരഞ്ഞെടുപ്പിന് മുന്നോടിയായി ചട്ടം അനുസരിച്ച് നടക്കുന്നതാണ് സ്ഥലം മാറ്റം.
A fake message is being shared on Whats app regarding schedule for #LokSabhaElections2024#FactCheck: The message is #Fake. No dates have been announced so far by #ECI.
Election Schedule is announced by the Commission through a press conference. #VerifyBeforeYouAmplify pic.twitter.com/KYFcBmaozE
— Election Commission of India (@ECISVEEP) February 24, 2024
