ഗാന്ധിനഗർ: രാജ്‌കോട്ടിന് തന്റെ ഹൃദയത്തിൽ എന്നും പ്രത്യേക സ്ഥാനമുണ്ടായിരിക്കുമെന്ന് പ്രധാനമന്ത്രി നരേന്ദ്രമോദി. രാജ്‌കോട്ടിലെ ജനങ്ങൾ തന്നിൽ അർപ്പിച്ച വിശ്വാസമാണ് കഴിഞ്ഞ 10 വർഷം രാജ്യത്തിനായി പ്രവർത്തിക്കാൻ ഊർജ്ജം പകർന്നതെന്നും പ്രധാനമന്ത്രി വ്യക്തമാക്കി. തന്റെ ആദ്യ നിയമസഭാ തിരഞ്ഞെടുപ്പ് പ്രചാരണത്തിന്റെ ചിത്രങ്ങളും വീഡിയോയും സമൂഹമാദ്ധ്യമമായ എക്‌സിലൂടെ അദ്ദേഹം പങ്കുവയ്‌ക്കുകയും ചെയ്തു.
” രാജ്‌കോട്ടിന് എന്റെ ഹൃദയത്തിൽ സവിശേഷമായൊരു സ്ഥാനം എക്കാലവും ഞാൻ നൽകുന്നുണ്ട്. ഇവിടുത്തെ ജനങ്ങളാണ് എന്നിൽ ആദ്യമായി വിശ്വാസം അർപ്പിച്ചത്. അവരുടെ ആ വിശ്വാസമാണ് ആദ്യമായി എന്നെ നിയമസഭാ അംഗമാക്കിയത്. പിന്നീട് ഗുജറാത്ത് മുഖ്യമന്ത്രിയായും കഴിഞ്ഞ 10 വർഷം രാജ്യസേവകനായും പ്രവർത്തിക്കാൻ എനിക്ക് ഊർജ്ജം പകർന്നത് രാജ്‌കോട്ടിലെ ജനങ്ങളുടെ ആ വിശ്വാസമാണ്. ജനങ്ങളുടെ സ്വപ്‌നം സാക്ഷാത്കരിക്കാനായാണ് ഞാൻ ഇപ്പോഴും പ്രവർത്തിക്കുന്നത്.”- പ്രധാനമന്ത്രി കുറിച്ചു.
‘Dekho Dekho Kaun Aaya..Gujarat Ka Sher Aaya!’
On February 24 2002, exactly 22 years ago today, @narendramodi stepped into the Gujarat Legislature as an MLA for the first time.
This victory marked the dawn of a promising new era not only for Gujarat but also for India and the… pic.twitter.com/NCHqczPjLS
— Modi Archive (@modiarchive) February 24, 2024
കഴിഞ്ഞ രണ്ട് ദിവസം ഗുജറാത്തിൽ സന്ദർശനം നടത്തിയതിന്റെ സന്തോഷവും അദ്ദേഹം എടുത്തു പറഞ്ഞു. ഗുജറാത്തിനായി നിരവധി വികസന പദ്ധതികൾക്കാണ് പ്രധാനമന്ത്രി തറക്കല്ലിട്ടത്. 6 എയിംസുകൾ രാജ്യത്തിന് സമർപ്പിക്കുമെന്നും പ്രധാനമന്ത്രി അറിയിച്ചു. റോഡ്, റെയിൽ, ഊർജം, ആരോഗ്യം, ഇന്റർനെറ്റ് കണക്റ്റിവിറ്റി, നഗരവികസനം, ജലവിതരണം, വിനോദസഞ്ചാരം തുടങ്ങിയ സുപ്രധാന മേഖലകൾക്കായുള്ള പദ്ധതികളാണ് പ്രധാനമന്ത്രി ഉദ്ഘാടനം ചെയ്തത്.
