കൊച്ചി: ബ്രഹ്‌മപുരം മാലിന്യ പ്ലാന്റിൽ തീപിടിത്തം. തരം തിരിക്കാതെ കൂട്ടിയിട്ട മാലിന്യത്തിൽ നിന്നുമാണ് തീപടർന്നതെന്നാണ് നിഗമനം. സ്ഥലത്ത് ഫയർഫോഴ്‌സ് സംഘമെത്തി തീയണയ്ക്കുന്നതിനുള്ള ശ്രമങ്ങൾ പുരോഗമിച്ചു വരികയാണ്. നാല് യൂണിറ്റ് ഫയർഫോഴ്‌സ് സംഘമാണ് നിലവിൽ സ്ഥലത്തെത്തിയിരിക്കുന്നത്.
ഇന്ന് ഉച്ചയ്‌ക്ക് 2.20-ന് പുഴയ്‌ക്ക് സമീപത്ത് നിന്നാണ് ആദ്യ തീപിടിത്തം ശ്രദ്ധയിൽപ്പെടുന്നത്. പിന്നീട് തീ കൂടുതൽ ഇടങ്ങളിലേക്ക് വ്യാപിച്ചു. കഴിഞ്ഞ നാല് ദിവസത്തോളമായി മാലിന്യകൂമ്പാരത്തിൽ നിന്നും പുക ഉയർന്നിരുന്നു. ഇത് അണയ്‌ക്കുന്നതിനായി രണ്ട് യൂണിറ്റ് ഫയർഫോഴ്‌സ് അംഗങ്ങൾ 24 മണിക്കൂറും പ്ലാന്റിൽ തുടർന്നിരുന്നു. ഇതിനിടെയാണ് തീ പടർന്നു പിടിച്ചത്.
