ധർമ്മശാല ടെസ്റ്റിൽ പങ്കെടുക്കാൻ വന്ന ഇന്ത്യൻ നായകൻ രോഹിത് ശർമ്മയുടെ വീഡിയോ വൈറൽ. ധർമ്മശാലയിലെ എച്ച്പിസിഎ സ്റ്റേഡിയത്തിൽ ഹെലികോപ്റ്ററിൽ പറന്നിറങ്ങിയ ഹിറ്റ്മാന്റെ വീഡിയോയാണ് വൈറലാകുന്നത്. ടെസ്റ്റിന് മുന്നോടിയായി ടീമിലെ മറ്റുതാരങ്ങളെല്ലാം ഞായറാഴ്ച തന്നെ ധർമ്മശാലയിൽ എത്തിയിരുന്നു.
എന്നാൽ ഇന്ത്യൻ നായകൻ ഇന്നാണ് ടീമിനൊപ്പം ചേർന്നത്. അനന്ത്് അംബാനി- രാധികാ മെർച്ചെന്റ് പ്രീവെഡിംഗ് ആഘോഷങ്ങളിൽ പങ്കെടുക്കാൻ ജാംനഗറിലേക്ക് പോയതിനാലാണ് ടീമിനൊപ്പം ചേരാൻ വൈകിയത്. ഹെലികോപ്റ്ററിൽ നിന്നിറങ്ങി വരുന്ന ഹിറ്റ്മാനെ അധികൃതർ സ്വീകരിക്കുകയും ചെയ്യുന്നുണ്ട്. സമൂഹമാദ്ധ്യമങ്ങളിൽ നിമിഷനേരം കൊണ്ടാണ് ആരാധകർ വീഡിയോ ഏറ്റെടുത്തത്.
Captain Rohit Sharma reached Dharamsala in a helicopter 🔥pic.twitter.com/GPlLYF6m9p
— Johns. (@CricCrazyJohns) March 5, 2024
“>
ഇംഗ്ലണ്ടിനെതിരായ ടെസ്റ്റ് 3-1 ന് ഇന്ത്യ സ്വന്തമാക്കിയിരുന്നു. റാഞ്ചി ടെസ്റ്റിൽ ഇംഗ്ലണ്ടിനെ അഞ്ച് വിക്കറ്റിന് തകർത്തതോടെയാണ് ഇന്ത്യക്ക് പരമ്പര സ്വന്തമായത്. മാർച്ച് 7-നാണ് പരമ്പരയിലെ അവസാന ടെസ്റ്റ് ധർമ്മശാലയിൽ ആരംഭിക്കുന്നത്.
