ഓക്സിജന്റെ ഉത്പാദന കേന്ദ്രമാണ് വ്യാഴത്തിന്റെ ഉപഗ്രഹമായ യൂറോപ്പ എന്ന് റിപ്പോർട്ട്. മഞ്ഞുമൂടിയ ഉപഗ്രഹമായ യൂറോപ്പയിൽ ഓരോ 24 മണിക്കൂറിലലും ആയിരം ടൺ ഓക്സിജൻ ഉത്പാദിപ്പിക്കുന്നു. അതായത്, ഒരു ദശലക്ഷം മനുഷ്യർക്ക് ശ്വസിക്കാൻ വേണ്ട അത്രത്തോളം ഓക്സിജൻ ഉത്പാദിപ്പിക്കുന്നു. വ്യാഴത്തെ ചുറ്റുന്ന ജൂനോ ബഹിരാകാശ പേടകം ശേഖരിച്ച വിവരങ്ങളിലാണ് ഇക്കാര്യം പറയുന്നത്.
എന്നാൽ നേരത്തെ കരുതിയിരുന്നതിനേക്കാൾ കുറഞ്ഞ അളവിലാണ് നിലവിൽ യൂറോപ്പ ഓക്സിജൻ ഉത്പാദിപ്പിക്കുന്നതെന്നാണ് പുതിയ പഠനത്തിൽ വ്യക്തമാക്കുന്നത്. നിലവിൽ ഓരോ സെക്കൻഡിലും 12 കിലോ ഓക്സിജൻ ആണ് ഉത്പാദിപ്പിക്കപ്പെടുന്നത്. നേരത്തെ ഇത് ഓരോ സെക്കൻഡിലും ആയിരം കിലോഗ്രാം എന്നായിരുന്നു കണക്ക്.
ഇത്തരത്തിൽ ഉത്പാദിപ്പിക്കപ്പെടുന്ന ഓക്സിജൻ യൂറോപ്പയുടെ ഭൂഗർഭ സമുദ്രത്തിലേക്ക് പ്രവേശിക്കുന്നുവെന്നാണ് ഒരു കൂട്ടം ശാസ്ത്രജ്ഞരുടെ അനുമാനം. ഒഴുകുന്ന അരുവിയിൽ വെള്ളം പതുക്കെ നഷ്ടപ്പെടുന്ന ഒരു ഐസ് ബോൾ പോലെയാണ് യൂറോപ്പ. വ്യാഴത്തിന്റെ അസാധാരണമായ കാന്തികക്ഷേത്രത്താൽ ചുറ്റപ്പെട്ട അയോണൈസ്ഡ് കണങ്ങളുടെ ഒരു ദ്രാവകമാണ് അരുവി. ഈ അയോണൈസ്ഡ് കണങ്ങൾ യൂറോപ്പയെ സ്വാധീനിക്കുമ്പോൾ ഹൈഡ്രജനും ഓക്സിജനും ഉത്പാദിപ്പിക്കുന്നതിനായി ഉപരിതലത്തിലെ തന്മാത്രയെ ജല-ഐസ് തന്മാത്ര വിഘടിപ്പിക്കുന്നു. ഇതിന്റെ ഫലമായി ചാർജ്ജ് കണങ്ങളുടെ തരംഗങ്ങളുടെ ശക്തിയിൽ ഐസ് കട്ടകൾ ദ്രവീകരിക്കുന്നുവെന്ന് പ്രിൻസ്റ്റൺ സർവകലാശാലയിലെ ശാസ്ത്രജ്ഞൻ ജാമിസാലെ പറഞ്ഞു.
