രാജ്യത്തെ ഏറ്റവും വലിയ എയ്‌റോ സ്‌പോർട്‌സ് അഡ്വഞ്ചർ ഫെസ്റ്റിവലായ അന്താരാഷ്‌ട്ര പാരാഗ്ലൈഡിംഗ് ഫെസ്റ്റിവലിന് തുടക്കം. വാഗമണ്ണിലും വർക്കലയിലുമാണ് ഫെസ്റ്റ് നടക്കുന്നത്. മാർച്ച് 17 വരെയാണ് ഫെസ്റ്റ് നടക്കുന്നത്. ഇന്നലെയാണ് ഫെസ്റ്റിവലിന് തുടക്കം കുറിച്ചത്.
വിനോദസഞ്ചാര വകുപ്പിന് കീഴിൽ പ്രവർത്തിക്കുന്ന കേരള അഡ്വഞ്ചർ ടൂറിസം പ്രമോഷൻ സൊസൈറ്റി-ഇടുക്കി ജില്ലാ ടൂറിസം പ്രൊമോഷൻ കൗൺസിൽ എന്നിവയുടെ സംയുക്ത സഹകരണത്തോടെ പാരാഗ്ലൈഡിംഗ് അസോസിയേഷൻ ഓഫ് ഇന്ത്യ സാങ്കേതിക പിന്തുണ നൽകിയാണ് ഫെസ്റ്റിവൽ സംഘടിപ്പിച്ചിരിക്കുന്നത്. നൂറിൽ അധികം അന്തർദേശീയ, ദേശീയ ഗ്ലൈഡർമാർഫെസ്റ്റിവലിൽ പങ്കെടുക്കും.
അമേരിക്ക, നേപ്പാൾ, ഫ്രാൻസ്, ജർമ്മിനി, ഇറ്റലി, ന്യൂസിലാൻഡ്, ഓസ്‌ട്രേലിയ, ബ്രിട്ടൻ എന്നീ രാജ്യങ്ങളിൽ നിന്നും ഡൽഹി, ഗോവ, മഹാരാഷ്‌ട്ര, ഹിമാചൽ പ്രദേശ്, കർണാടക, തമിഴ്‌നാട് എന്നിവിടങ്ങളിൽ നിന്നും ഫെസ്റ്റിവലിന് ആളുകളെത്തും.
